اننت امبانی کی شادی کی تقریبات،مکیش امبانی کا مہمانوں کا خیر مقدم
بھارتی معروف صنعتکار ، بزنس ٹائیکون مکیش امبانی کے بیٹے اننت امبانی اور رادھیکا مرچنٹ کی شادی سے پہلے کی تقریبات جام نگر میں شروع ہو گئی ہیں
اننت امبانی کی شادی بھارت کی سب سے مہنگی ترین شادی ہے جو نہ صرف بھارتی میڈیا ہی نہیں بلکہ عالمی میڈیا کی توجہ کا بھی مرکز بنی ہوئی ہے،دی گارڈین کی رپورٹ کے مطابق یہ صرف شادی ہی نہیں بلکہ ایک غیر معمولی واقعہ ہے جس کا مقصد کرہ ارض کے سب سے طاقتور اور دولت مند افراد کو بھی حیران کرنا ہے،شادی کی تقریب میں بھارت اور دنیا بھر سے مشہور شخصیات شرکت کر رہی ہیں، اننت امبانی اور رادھیکا مرچنٹ کی تین روزہ پری ویڈنگ تقریب میں گلوکارہ ریحانہ، اداکار شاہ رخ خان، رنبیر کپور، عالیہ بھٹ، دیپیکا پڈوکون، رنویر سنگھ، رانی مکھرجی ، میٹا کے سی ای او مارک زکربرگ اور ان کی اہلیہ پریسیلا چان سمیت دیگر شریک ہیں، پری ویڈنگ تقریبات کا اہتمام جام نگر کے ریلائنس گرینز کمپلیکس میں ہو رہاہے،
اس موقع پر دولہا اننت امبانی کے والد اور ریلائنس انڈسٹریز کے چیئرمین مکیش امبانی نے مہمانوں کا خیر مقدم کیا، اننت امبانی اور رادھیکا مرچنٹ کی پری ویڈنگ تقریب سے پہلے مکیش امبانی سٹیج پر آئے اور تقریب میں شریک سبھی مہمانوں کا استقبال کیا.مکیشن امبانی کا کہنا تھا کہ "میرے معزز فرینڈز اینڈ فیملی، نمستے اور ہر ایک کو گڈ ایویننگ،بھارتی روایت میں ہم اپنے مہمان کو اتیتھی کہتے ہیں ۔ اتیتھی دیوو بھوا۔ آپ سب نے اس شادی کے ماحول کو منگل مئے بنا دیا ہے ، شکریہ ، بہت دل سے شکریہ ، آج میرے والد دھیرو بھائی امبانئی جنت سے اپنے بے پناہ آشیرواد کی بارش کررہے ہیں۔ مجھے یقین ہے کہ وہ دوگنا خوش ہوں گے، کیونکہ ہم جام نگر میں ان کے پسندیدہ پوتے اننت کی زندگی خوشی کا دن منا رہے ہیں”
اننت امبانی کی شادی، 2 ہزار مہمان خاص،بل گیٹس، ایوانکا ٹرمپ و دیگر شامل
اننت امبانی کی شادی کی تقریب میں 2 ہزار کے قریب مہمان خاص شریک ہیں،بھوٹان کے بادشاہ جگمے کھیسر نامگیال وانگچک اور ان کی اہلیہ جیتسون پیما بھی مہمان ہیں،مائیکروسافٹ کے بانی بل گیٹس،سابق امریکی صدر ڈونلڈ ٹرمپ کی بیٹی ایوانکا، بیڈمنٹن چیمپئن سائنا نہوال، سابق بھارتی کپتان مہندر سنگھ دھونی، کرکٹرز راشد خان اور سوریہ کمار یادیو، سابق کرکٹر ظہیر خان،ویسٹ انڈسٹریز کے کرکٹر ڈائون بروو ،بالی ووڈ کے سپر اسٹار شاہ رخ خان، سلمان خان اور رنبیر کپور ،گلوکار انو کپوربھی مہمانان خاص میں شامل ہیں،
قطر کے وزیر اعظم محمد بن عبدالرحمن بن جاسم الثانی،آسٹریلیا کے سابق وزیر اعظم کیون روڈ، کینیڈا کے سابق وزیر اعظم سٹیفن ہارپر اور سویڈن کے سابق وزیر اعظم کارل بلڈٹ کی بھی شادی کی تقریب میں شرکت کی توقع ہے۔ مہمانوں کی فہرست سعودی آرامکو کے چیئرپرسن یاسر الرمیان، بلیک راک کے چیئرمین اور سی ای او لیری فنک، ایڈوب کے سی ای او شانتنو نارائن، میٹا سی او او جیویر اولیوان، ورلڈ اکنامک فورم کے چیئرپرسن کلاؤس شواب ، ایچ ایس بی سی ہولڈنگز کے گروپ چیئرمین مارک ٹکرشامل ہیں،الفابیٹ کے سی ای او سندر پچائی، والٹ ڈزنی کے سی ای او باب ایگر اور بینک آف امریکہ کے چیئرمین برائن تھامس موئنہان بھی مہمانوں میں شامل ہیں،
اننت امبانی کی شادی، امریکی گلوکارہ ریحانہ کا رقص
مشہور امریکی گلوکارہ ریحانہ اور جھانوی کپور کے ٹھمکوں نے اننت امبانی اور رادھیکا مرچنٹ کی شادی کے سنگیت نے ماحول بنا دیا، اننت امبانی اور رادھیکا مرچنٹ کی شادی کی تقریبات کے لیے کچھ بین الاقوامی ستاروں کے ساتھ پورا بالی ووڈ اس وقت گجرات کے شہر جام نگر میں موجود ہے،گزشتہ شب بین الاقوامی پاپ اسٹار ریحانہ نے جام نگر میں مہمانوں کے لیے ایک شاندار پرفارمنس دی۔ بالی ووڈ کی مشہور اداکارہ جھانوی کپور نے ایک وڈیو سماجی رابطے کی ویب سائیٹ انسٹا گرام میں شیئر کی، اس ویڈیو میں جھانوی اور امریکی گلوکارہ ریحانہ کو ایک ساتھ رقص کرتے ہوئے دیکھا جا سکتا ہے،
میٹا کے سی ای او مارک زکر برگ بھارت پہنچ گئے
معروف بھارتی صنعتکار امبانی کے بیٹے کی شادی کی تقریب میں شرکت کے لئے میٹا کے سی ای او مارک زکر برگ بھارت پہنچ گئے ہیں،میٹا کے سی ای او مارک زکربرگ گجرات کے شہر جام نگر پہنچے تاکہ مکیش امبانی کے بیٹے اننت امبانی اور رادھیکا مرچنٹ کی شادی سے پہلے کی تقریبات میں شرکت کریں، ایئر پورٹ پہنچنے پر مارک زکربرگ کو اپنی اہلیہ پریسیلا چان کے ساتھ تصاویر لیتے ہوئے دیکھا گیا ہے.
اننت امبانی اور رادھیکا مرچنٹ کی شادی، گجرات کے جام نگر میں ہو رہی ہے،شادی کی تقریب میں دو ہزارخصوصی مہمان شریک ہوں گے، بل گیٹس بھی بھارت پہنچے ہوئے ہیں،مارک زکربرگ کی موجودگی نہ صرف امبانی خاندان اور ٹیکنالوجی کے شعبے کے درمیان مضبوط روابط پر زور دیتی ہے بلکہ ہندوستان کی مارکیٹ میں عالمی ٹیک کی اہمیت کو بھی ظاہر کرتا ہے
شادی کی تقریب میں شریک مہمانان خاص چڑیا گھر بھی جائیں گے
مکیش امبانی کی طرف سے اپنے بیٹے کی شادی سے قبل کی تقریبات کے دوران مشہور عالمی شخصیات انڈیا میں مخصوص سفاری تھیم والے لباس پہن کر چڑیا گھر بھی جائیں گی،خبر رساں ادارے اے ایف پی کے مطابق پاپ گلوکار ریحانہ، فیس بک کے بانی مارک زکربرگ اور سابق امریکی صدر ڈونلڈ ٹرمپ کی بیٹی ایوانکا ٹرمپ ان مشہور مہمانوں میں شامل ہیں، جو ارب پتی ٹائیکون مکیش امبانی کی میزبانی میں تین روزہ گالا کی تقریب میں شریک ہیں
یہ ویک اینڈ پارٹی مکیش امبانی کے چھوٹے بیٹے اننت امبانی اور ان کی منگیتر رادھیکا مرچنٹ کی شادی سے پہلے کی ایک وسیع تقریب ہے،تین روزہ گالا کے دوران ریحانہ نے جمعے کو پرفارم کیا تھا جبکہ ہفتے کو یہ مہمان چڑیا گھر کا دورہ کریں گے، جو کئی جنگلی جانوروں کا مسکن ہے،یہ سینٹر اننت امبانی نے مغربی ریاست گجرات میں اپنے آبائی شہر جام نگر میں بنایا ہے،شام کو مہمان انڈین ثقافت کا جشن منانے کے لیے منعقدہ پارٹی کے لیے اس مناسبت سے لباس زیب تن کریں گے
قبل ازیں جام نگر میں ریلائنس ٹاؤن شپ کے قریب جوگواڑ گاؤں میں مکیش امبانی، اننت امبانی اور امبانی خاندان کے دیگر افراد نے گاؤں والوں کو روایتی گجراتی کھانا پیش کیا، رادھیکا مرچنٹ کی نانی اور والدین ویرین اور شیلا مرچنٹ نے بھی کھانے کی تقریب میں حصہ لیا۔ شادی سے پہلے کے اس استقبالیہ میں تقریباً 51 ہزار مقامی باشندوں کو کھانا پیش کیا جائے گا، جو اگلے چند روز تک جاری رہے گا، کھانے کے بعد حاضرین نے روایتی لوک موسیقی سے لطف اندوز ہوئے
مکیش امبانی نے نئی ’بم پروف‘ مرسڈیز کار خرید لی
راہول گاندھی سن لے:ہماراخاندان ہرسال50کروڑ ٹیکس دیتا ہےآپ کی طرح بھوکا ننگانہیں:مکیش امبانی
امیرلڑکے سے شادی کا انکار کیا تو گھر میں بند کر دیا گیا،25 سالہ لڑکی کی تحفظ کی اپیل
یونیورسٹی میں فحش ویڈیوز اور مبینہ نشے کی فروخت،عدالت میں درخواست دائر
کالج کی طالبات نے ساتھی طالبات کی واش روم میں فحش ویڈیو بنا کر وائرل کردیں
