اننیا کن ہیروئنز کے ساتھ کام کرنے کی خواہش رکھتی ہیں؟‌

0
34

24 سالہ بالی وڈ اداکارہ اننیا پانڈے جو کہ چنکی پانڈے کی بیٹی ہیں انہوں نے اپنے حالیہ انٹرویو میں کہا ہے کہ میں جھانوی کپور اور سارا علی خان کی فنکارانہ صلاحیتوں کی بہت زیادہ معترف ہوں ، مجھے لگتا ہےکہ اگر ہم تینوں اداکارائوں کو ایک ساتھ کسی فلم میں کاسٹ کیا جائے تو وہ فلم نہ صرف بہت چلے گی بلکہ ہم تینوں کو ایک ساتھ دیکھ کر شائقین بہت زیادہ خوش ہوں گے. اننیا پانڈے نے کہا کہ جھانوی کپور اور سارا علی خان کی ایکٹنگ دیکھ کر میرے تو رونگھٹے ہی کھڑے ہوجاتے ہیں.یہ دونوں اداکارائیں جہاں بہت سارے لوگوں کے لئے انسپریشن ہیں

وہیں میری بھی انسپریشن ہیں. اننیا پانڈے نے کہا کہ میں وہ فلم اور کردار منتخب کرتی ہوں جس میں اداکاری کا مارجن ہو اور میرا کردار کہانی کو آگے لیکر چلنے والا ہو. یاد رہے کہ اننیا پانڈے نوجوان نسل کی نمائندہ فنکارہ ہیں وہ بالی وڈ کے نامور اور منجھے ہوئے فلم میکرز کی اولین چوائس ہیں. ان کی ایوشمان کھرانہ کے ساتھ فلم ڈریم گرل کا سیکوئل اور ’کھو گئے ہم کہاں پائپ لائن میں ہیں. اننیا آن لائن سٹریمنگ پلیٹ فارم پرائم ویڈیو کی آنے والی سیریز ’کال می بے‘ میں اداکاری کرتی ہوئی دکھائی دیں گی.

Leave a reply