ایک اور کلینک سیل کردیا گیا

ڈپٹی کمشنر آغا ظہیر عباس شیرازی کی ہدایت پر کبیروالا میں ایک اور کلینک سیل کردیا گیا۔ یاد رہے کہ گزشتہ ہفتہ ڈپٹی کمشنر آغا ظہیر عباس شیرازی نے محکمہ صحت کے عملہ کو ہدایات جاری کرتے ہوۓ کہا تھا کہ ضلع خانیوال میں بغیر اجازت نامہ کے جو عطائی میڈیکل سٹور کھول کر بیٹھے ہوئے ہیں ان کو وارننگ دی جائے۔

اگر وہ بات نہیں مانتے تو ان کے خلاف سحت کاروائی کی جاۓ جس کے نتیجے میں آج ڈپٹی کمشنر خانیوال کی ہدایت پر کبیروالا میں ایک اور کلینک سیل کردیا گیا- جھنگ روڈ پر عطائی الرضا کلینک کے نام سے دکان کھول کر غیر قانونی طور پر لوگوں کی زندگیوں سے کھیل رہا تھا

ڈپٹی ڈسٹرکٹ ہیلتھ آفیسر نے کارروائی کرکے دکان سے ممنوعہ ادویات بھی برآمد کرلی- عطائی کیخلاف کیس پنجاب ہیلتھ کئیر کمیشن کو بھجوادیا گیا ہے –