انوپم کھیر کے کیرئیر کی 526 ویں فلم

اداکار انوپم کھیر بالی وڈ کا ایک بڑا نام ہے انہوں نے اپنے کیرئیر میں بہت اتار چڑھاﺅ دیکھے جو بھی کردار کیا شائقین نے بے حد پسند کیا۔ منفی کرداروں میں بھی دکھائی دئیے اور مثبت کرداروں میں ۔ان کے ہر کردار نے ان کو پہلے سے زیادہ شہرت دی۔ انوپم کھیر نے ایک پروگرام بھی ہوسٹ کیا جس میںانہوں نے بالی وڈ کی نامور شخصیات کا انٹرویو لیا۔ انوپم کامیڈی کرتے ہیں تو ایسا لگتا ہے کہ ان کا کامیڈی میں کوئی ثانی نہیں ،سنجیدہ کردار کرتے ہیں تو لگتا ہے کہ ان کا سیریس کردار کرنے میں کوئی ثانی نہیں۔ سال ہا سال سے اپنے کام کے زریعے لوگوں کے دلوں

پر راج کررہے ہیں ۔انوپم نے حال ہی میں انسٹاگرام پر ایک پوسٹ لگائی ہے جس میںانہوں نے اپنے پرستاروں کیساتھ شئیر کیا ہے کہ وہ اپنے کیرئیر کی پانچ سو چھبیوویں فلم کرنے جارہے ہیں ۔فلم کا نام ہے کاغذ ٹو ۔ انوپم نے لکھا کہ دوستو آج میں پانچ سو چھبیسویں فلم میں کام کرنے جا رہا ہوں اس کا نام کاغذ ٹو ہے ،آپ مجھے اپنی دعاﺅں میں یاد رکھیے اور ہمیشہ اسی طرح سے پیار دیتے رہیے۔مجھے آپ کے پیار اور دعاﺅں کی ضرورت زندگی بھر رہے گی ۔ چھوٹے شہروں سے آنے والوں کے لئے ایک پیغام دیا کہ اپنا کام محنت اور لگن کے ساتھ کریں دنیا کی کوئی طاقت آپ کو آگے بڑھنے سے نہیں روک سکتی ۔یاد رہے کہ کاغذ ٹو ملیالم فلم نی رانایاکم ہے جو کہ 2015 میں بنی تھی۔اسکا ہندی میں ری میک بنایا جا رہا ہے اور ستیش کوشک ڈائریکٹ کریں گے ۔انوپم کی اس پوسٹ کا جواب دیتے ہوئے ستیش کوشک نے لکھا کہ کھیر صاحب کاغذ ٹو میں آپ کا ہونا ہمارے لئے باعث فخر ہے آپ کی جاندار پرفارمنس اس فلم میں بہت اہمیت کی حامل ہے۔یاد رہے کہ انوپم کھیر فلم اونچائی میںامیتابھ بچن کیساتھ دکھائی دیں گے اس کے علاوہ وہ ایک فلم ماہیما چوہدری کے ساتھ بھی ایک فلم کرنے جا رہے ہیں ۔