آرامکو حملوں کا جواب دینے کے کئ آپشن موجود ہیں. سعودیہ

آرامکو حملوں کا جواب دینے کے کئ آپشن موجود ہیں.

سعودی وزیرخارجہ عادل الجبیر نے کہا ہےکہ سعودی عرب کے پاس ارامکوحملوں کا جواب دینے کے لئے بہت سے آپشن موجود ہیں۔
انہوں نےکہا کہ آرامکو پر حملہ غیر معمولی اقدام ہے اور ہم اس کی مرمت پر کام کررہے ہیں، سعودی وزیر خارجہ نے کہا ہے کہ ایران کافی عرصہ سے سعودی عرب کے خلاف سازشوں میں‌ ملوث ہے اور ہم اس کو موثر جواب دینے کا سوچ رہے ہیں.

سعودی عرب میں امریکی فوجیوں کی تعیناتی کے حوالے سے بات کرتے ہوئے امریکی وزیرِ دفاع مارک ایسپر نےصحافیوں کو بتایا کہ ان فوجوں کی تعیناتی ‘دفاعی نوعیت’ کی ہو گی۔ فوجیوں کی مجموعی تعداد کے بارے میں حتمی فیصلہ فی الحال نہیں کیا گیا۔

یاد رہے کہ یمن کے ایرانی حمایت یافتہ حوثی باغیوں نے پچھلے ہفتے سعودی تیل تنصیبات پر ہونے والے حملوں کی ذمہ داری قبول کی تھی۔ البتہ امریکہ اور سعودی عرب نے ان حملوں کی ذمہ داری ایران پر ڈالی ہے۔