شہر گنجہ پر آرمینیا کا میزائل حملہ، 13 ہلاک 48 زخمی

گنجہ :شہر گنجہ پر آرمینیا کا میزائل حملہ، 13 ہلاک 48 زخمی،اطلاعات کے مطابق آذربائیجان کے شہر گنجہ پر آرمینیا کے میزائل حملے میں کم از کم تیرہ عام شہری ہلاک اور اڑتالیس دیگر زخمی ہو گئے۔

باکو سے ہمارے نمائندے کی رپورٹ کے مطابق جمہوریہ آذربائیجان کے اٹارنی جنرل نے اعلان کیا ہے کہ اس حملے میں جاں بحق و زخمی ہونے والوں میں بیشتر عورتیں اور بچے شامل ہیں۔

اس سے قبل بھی شہر گنجہ کے مختلف علاقوں پر آرمینیا کے میزائل حملے میں پانچ عام شہری ہلاک اور اٹھائیس زخمی ہو گئے تھے، زخمیوں میں متعدد بچے شامل تھے۔گنجہ، آذربائیجان کا دوسرا بڑا شہر شمار ہوتا ہے۔

خیال رہے کہ قرہ باغ کے مسئلے پر آذربائیجان اور آرمینیا کے درمیان جنگ ستائیس ستمبر کو شروع ہوئی ہے اور ماسکو میں دونوں ملکوں کے وزرائے خارجہ نے جنگ بندی پر اتفاق کیا تھا مگر اس کے باوجود فریقین کے درمیان جھڑپوں کا سلسلہ جاری ہے۔

جواب چھوڑیں

آپ کا ای میل ایڈریس شائع نہیں کیا جائے گا.