چیف آف آرمی سٹاف (سی او اے ایس) جنرل قمر جاوید باجوہ نے ہفتے کے آخر میں لاہور گیریژن کا دورہ کیا۔ آرمی چیف کی آمد پر کور کمانڈر لیفٹیننٹ جنرل محمد عبدالعزیز نے استقبال کیا۔
باغی ٹی وی : آئی ایس پی آر کے مطابق آرمی چیف نے کمبائنڈ ملٹری ہسپتال لاہور (سی ایم ایچ) کا دورہ کیا اور میجر حارث کی خیریت دریافت کی جو حال ہی میں روڈ ریج کے ایک واقعے میں زخمی ہوئے تھے۔
حاضرسروس آرمی آفیسر پرمبینہ تشدد ،لاہور پولیس کا موقف بھی آ گیا
آرمی چیف نے یقین دلایا کہ قانون اپنا راستہ اختیار کرے گا ملزمان جو کہ زیر حراست ہیں انہیں انصاف کے کٹہرے میں لایا جائے گا۔ کسی کو قانون ہاتھ میں لینے کی اجازت نہیں دی جا سکتی-
بعد ازاں آرمی چیف نے دو الگ الگ انٹرایکٹو سیشنز میں گیریژن افسران اور سابق فوجیوں کے ساتھ بات چیت کی اور انہوں نے آپریشنل تیاریوں اور تربیت کے اعلیٰ معیار کو برقرار رکھنے پر لاہور کور کو سراہا۔
فوجی افسر پر تشدد: سلمان رفیق اور حافظ نعمان ملوث نکلے:نامزد مجرم:گرفتارکرلیا گیا
انہوں نے کہا کہ غلط معلومات اور پروپیگنڈے سے ریاستی سالمیت کو خطرہ لاحق ہوتا ہے جس کے لیے قیاس آرائیوں اور افواہوں کا مؤثر طریقے سے مقابلہ کرنے کے لیے بروقت اور متحد ردعمل کی ضرورت ہوتی ہے۔
آرمی چیف نے کہا کہ فوج اپنی طاقت عوام سے کھینچتی ہے اور فوج اور شہریوں کے درمیان پھوٹ پیدا کرنے کی کسی بھی کوشش کو برداشت نہیں کیا جائے گا دشمن قوتیں طویل عرصے سے یہ کوشش کر رہی ہیں لیکن وہ کامیاب نہیں ہوں گی، انشاء اللہ-
