منشیات کیس: آریان خان کی ضمانت مسترد بیٹے کو جیل جاتا دیکھ کر گوری خان صدمے سے دوچار

بالی ووڈ بادشاہ شاہ رخ خان کے صاحبزادے آریان خان کی درخواست ضمانت عدالت نے مسترد کرکے مزید 14 روز کے ریمانڈ پر جیل بھیج دیا ہے-

باغی ٹی وی : تفصیلات کے مطابق آریان خان کو نارکوٹک کنٹرول بیورو کی جانب سے سمندر جہاز پر دوران پارٹی چھاپے کے دوران گرفتار کیا گیا تھا اور ان کی ایجنسی کے پاس تحویل کی مدت گزشتہ روز مکمل ہو رہی تھی ، بیٹے کی ضمانت کے لیے معروف اداکار شاہ رخ نے وکیل کے ذریعے عدالت میں درخواستِ ضمانت دائر کی تھی۔

شاہ رخ کی گرفتار بیٹے سے پہلی ملاقات، آریان والد سے ملتے ہی روپڑے

سماعت کے دوران وکیل کا کہنا تھا کہ آریان خان ایک معزز اور معروف خاندان کے چشم و چراغ ہیں اور ان کے رہائی کے بعد فرار ہونے کے امکانات نہیں اس لیے عدالت آریان خان کو ضمانت پر رہائی کا حکم دے آریان خان کے وکیل نے مزید دلائل دیئے کہ ان کے موکل سے نہ تو منشیات برآمد ہوئی اور نہ ہی وہ ضمانت پر رہا ہونے کے بعد شواہد کو مٹا سکتے ہیں انھیں صرف واٹس ایپ چیٹ پر حراست میں لیا گیا ہے۔

این سی بی کے زیرحراست شاہ رخ کے برگر بچے کو کس طرح کا کھانا ملتا ہے؟

اس پر نارکوٹکس کنٹرول بیورو کے وکیل نے کہا کہ کوئی کتنا مشہور ہے اس سے فرق نہیں پڑتا ہمیں اس پر غور کرنا ہو گا کہ لوگ کتنے بااثر ہیں اور شواہد میں چھیڑ چھاڑ کی جاسکتی ہے اے ایس جی سنگھ نے مزید دلیل دیئے کہ یہ کوئی الگ تھلگ کیس نہیں ہے اور ضمانت کی نوعیت میں کسی بھی قسم کا تحفظ تفتیش میں رکاوٹ کا باعث بن سکتا ہے۔

شاہ رخ خان کے بیٹے کو گرفتار کرنیوالے این سی بی آفیسر اداکارہ کے خاوند ہیں

فریقین کے دلائل سننے کے بعد عدالت نے 23 سالہ آریان خان کو ضمانت پر رہا کرنے کی درخواست مسترد کردی تاہم عدالت نے ان کے وکیل سے ضمانت کے لیے دوسری درخواست جمع کرانے کی ہدایت کی ہے۔

دوسری جانب اس موقع پر آریان کی ماں اور معروف بھارتی پروڈیوسر گوری خان اپنا ضبط کھو بیٹھیں اور لاکھ کوششوں کے باوجود بیٹے کی ضمانت نہ ہونے پر دلبرداشتہ ہوگئیں۔

بھارتی میڈیا کے مطابق یہ پہلا موقع ہے جب بالی وڈ سپر اسٹار شاہ رخ خان کی اہلیہ گوری خان کو بیٹے کی گرفتاری کے بعداس طرح صدمے سے دوچار دیکھا گیا ہے۔

گوری خان کی ویڈیو سوشل میڈیا کے مختلف پلیٹ فارمز پر وائرل ہے جس میں وہ گاڑی میں بیٹھی ہیں اور انہوں نے ایک ہاتھ سے اپنا منہ ڈھانپا ہوا ہے۔

واضح رہے کہ انسداد منشیات کے ادارے نے شاہ رخ خان کے بیٹے آریان خان کو کروز شپ سے 2 اکتوبر کو دیگر دوستوں کو کے ہمراہ حراست میں لیا تھا۔

شاہ رخ خان کے بیٹے کی درخواست ضمانت مستردع