رات گئے اسلام آباد پولیس کی جانب سے چیئرمین تحریک انصاف کی رہائشگاہ کا محاصرہ ،مرکزی سیکرٹری جنرل پاکستان تحریک انصاف جنرل اسد عمر کی حکومت کو سخت تنبیہ جاری کر دی-
باغی ٹی وی : اسد عمر نے کہا کہ امپورٹڈ سرکار طاقت کی بجائے عقل استعمال کرنے کی کوشش کرے، آفاقہ ہوگا، اشتعال انگیزی اور خوف و ہراس پھیلا کر حقیقی آزادی کی پرامن جمہوری تحریک کو دبانا کٹھ پتلیوں کے بس کی بات نہیں-
بنی گالہ کے اطراف پولیس کا سرچ آپریشن،پی ٹی آئی رہنما عالمگیر کے گھر چھاپہ
اسد عمر نے کہا کہ رات گئے پولیس قیدیوں کی گاڑی کے ہمراہ بنی گالہ پہنچی،اس قسم کی حرکتیں خود کٹھ پتلی سرکار کے سیاسی مستقبل پر تاریکیاں طاری کریں گی، نوجوانوں کی بڑی تعداد دیکھ کر پولیس کی نفری نے واپسی کی راہ لی-
انہوں نے کہا کہ امپورٹڈ سرکار ہوش کے ناخن لے اور کسی قسم کےمِس ایڈوینچر سےگریزکرے،عمران خان کیخلاف کوئی شرانگیز حرکت کی تو نتائج کی ذمہ دار مکمل طور پر حکومت ہوگی-
”عمران خان کو شدید خطرہ ہے، کچھ ہوا تو حکومت پر مقدمہ کریں گے“:اسد عمر
اسد عمر نے کہا کہ طاقت کے بل بوتے پر فیصلے کروا لو گے، یہ تمہاری غلط فہمی ہے خلقِ خدا کی آواز سنو اور عوام کے جمہوری و آئینی حقوق پر ڈاکہ ڈالنے کی منصوبہ بندی سے گریز کرو، گلو گردی میں نہیں معاملات کا بہترین حل انتخابات کے فوری اعلان میں ہے-
اسدعمر نے کہا کہ اخلاقی و جمہوری جواز کھو دینے والی کٹھ پتلی سرکار ہمت کرے اور قوم کو انتخابات کی تاریخ دے، پرامن احتجاج کو تشدد میں بدلنے کی شرانگیز کوشش کٹھ پتلیوں کی سیاست ہمیشہ کیلئے دفن کرے گی-
عمران خان کا مریم نواز سے متعلق بیان عورتوں سے بے حد نفرت کا اظہار ہے،ویمن ایکشن فورم
قبل ازیں اسد عمر کا کہنا تھا کہ چیئرمین عمران خان کی جان کو شدید خطرہ ہے، اگر کچھ ہوا تو حکومت کے خلاف مقدمہ درج کرائیں گے عمران خان کو فون کر کے میں نے کہا کہ جان کو خطرہ ہے، بلٹ پروف شیشہ لگالیں، عمران خان کے بعد شاہ محمود قریشی کو بھی فون کیا، حکومت کی ایک اعلیٰ شخصیت کا فون آیا تھا کہ عمران خان کی جان کو شدید خطرہ ہے، عمران خان کی سکیورٹی سے متعلق تھریٹ لیٹر بھی مل چکا ہے۔
عمران خان کی مریم نواز کےخلاف نازیبا زبان:سیاسی رہنماؤں نے کی مذمت
اسد عمر نے کہا تھا کہ حکومت کہتی ہے کہ ایک گاڑی دے دیتے ہیں باقی سکیورٹی آپ خود کریں، عمران خان کو کہا کہ جلسے میں بلٹ پروف شیشہ استعمال کریں، عمران خان نے فیصلہ کیا کہ بلٹ پروف شیشہ لگانے کی ضرورت نہیں، عمران خان کی جان کو شدید خطرہ ہے، کچھ ہوا تو حکومت پر مقدمہ درج کرائیں گے، پاکستان کی سب سے بڑی جماعت کے سربراہ کو سکیورٹی نہیں دی جا رہی، دوسری طرف ایک سزا یافتہ مجرم کو حکومت سکیورٹی دے رہی ہے۔
