اشرف غنی کا فیس بک پیج ہیک،بین الاقوامی برادری پر طالبان حکومت کی حمایت کے حوالے سے بیان

افغانستان کے مفرور صدر اشرف غنی نے فیس بک پیج ہیک ہو نے کی تصدیق کی ہے-

باغی ٹی وی : غیر ملکی میڈیا کے مطابق اشرف غنی نے ٹوئٹر پر اپنے فیس بک اکاونٹ ہیک ہونے کی تصدیق کی اوربتایا کہ ان کا فیس بک پیج اتوار سے ہیک ہوا ہے۔

اشرف غنی کا فیس بک اکاؤنٹ ہیک ہونے کے بعد ان کی جانب سے بین الاقوامی برادری پر طالبان حکومت کی حمایت کے حوالے سے بیان دیا گیا ہے۔

عاجل
صفحه فیس‌بوک رسمی داکتر محمد اشرف غنی، هک گردیده. الی دوباره بدست آوردن آن، محتویات نشر شده از دیروز بدینسو در صفحه فیس‌بوک فاقد اعتبار می‌باشد.

— Ashraf Ghani (@ashrafghani) September 27, 2021

ہیک کیے جانے کے بعد اشرف غنی کے فیس پر پیغام میں مزید لکھا گیا کہ بین الاقوامی برادری افغانستان دور ہونے کے بجائے موجودہ حکومت سے روابط رکھے اور مدد کرے۔

عاجل 

د ډاکټر محمد اشرف غني د فيسبوک رسمي پاڼه له پرون راهیسي هک شوې ده. د پاڼې د بيا ترلاسه کولو پورې لدغې پاڼې نشر شوي ټوله محتوا د اعتبار وړ نده.

— Ashraf Ghani (@ashrafghani) September 27, 2021

بیان میں مطالبہ کیا گیا کہ افغان عوام کو منجمد فنڈز دیے جائیں اور حکومت کو رسمی طور پر تسلیم کیا جائے۔

دوسری جانب اشرف غنی کے ٹوئٹر اکاؤنٹ پر اس بیان کی تردید کی گئی ہے اور کہا گیا ہے کہ افغان مندوب غلام محمد اسحاق زئی آج ایسے وقت میں اقوام متحدہ کی جنرل اسمبلی سے خطاب کریں گے کہ ان کو نہ حکومتی اور نہ ہی عوام کی حمایت حاصل ہے۔

واضح رہےکہ 15 اگست کو کابل پر کنٹرول کے بعد اس وقت کے افغان صدر اشرف غنی ملک سے فرار ہوگئے تھے جب کہ ان پر ملک سے ڈالرز کی کھیپ ساتھ لے جانے کا الزام عائد کیا گیا جس کی اشرف غنی نے تردید کی تھی۔