آصف زرداری کی درخواست سپریم کورٹ میں سماعت کیلئے مقرر، کیا مطالبہ کیا؟

آصف زرداری کی درخواست سپریم کورٹ میں سماعت کیلئے مقرر، کیا مطالبہ کیا؟

باغی ٹی وی کی رپورٹ کے مطابق مقدمےکی کراچی منتقلی کیلیے آصف زرداری اورفریال تالپورکی درخواست سماعت کیلیے مقرر کر دی گئی،سپریم کورٹ میں آصف زرداری اورفریال تالپور کی درخواست پر سماعت 26 نومبر کو ہوگی،جسٹس عمرعطا بندیال اور جسٹس اعجاز الاحسن پرمشتمل دو رکنی بنچ سماعت کرے گا

آصف زرداری کو کچھ ہوا تو حکومت کو نہیں چھوڑیں گے، پیپلز پارٹی کی دھمکی

جیل سے نکلنے کا بہانہ، سیاسی لیڈر ہوتے ہیں بیمار، باغی ٹی وی کی خصوصی رپورٹ

سابق صدر آصف زرداری کی جانب سے سپریم کورٹ میں دائر درخواست میں استدعا کی گئی کہ ان کی اپیلوں پر جلد سماعت کی جائے ،درخواست میں آصف زرداری اور ان کی ہمشیرہ کے مقدمے کو کراچی سے اسلام آباد منتقل کرنے کے سندھ ہائیکورٹ کے فیصلے کو چیلنج کیا گیا ہے،

واضح رہے کہ سندھ ہائیکورٹ کے فیصلے کے خلاف اپیل مئی 2019 سے سپریم کورٹ میں زیر التوا ہے، آصف زرداری نے سپریم کورٹ میں درخواست سینئر وکیل فاروق نائیک کے توسط سے دائر کی گئی ہے۔

نواز شریف کے عدالتی فیصلے کے بعد آصف زرداری سے انتہائی اہم شخصیت کی ملاقات

مئی میں سابق صدر آصف زرداری نے سپریم کورٹ میں دائر درخواست میں کہا گیا تھا کہ آصف زرداری پیپلز پارٹی کے صدر ہیں اور صدر پاکستان بھی رہے ہیں،آصف زرداری کوسیاسی انتقام کا نشانہ بنایاجاتا رہا ہے،وہ جیل میں بھی رہے ،دائر کی گئی درخواست میں مزید کہا گیا کہ آصف زرداری من گھڑت اور جھوٹے مقدمات سے بری ہوئے ہیں ،ایف آئی اے نے جعلی بینک اکاؤنٹس کیس کی تحقیقات کا آغاز کیا،آصف زرداری کوعبوری چالان میں ملزم نہیں بنایا گیا،

سپریم کورٹ نےجعلی اکاؤنٹس معاملے کی جےآئی ٹی سےتحقیقات کرائیں .اپیل میں عدالت سے استدعا کی گئی ہے کہ جھوٹے اور من گھڑت جعلی اکاؤنٹس کیس سے آصف زرداری کو الگ کیا جائے گا۔

نواز کے بعد آصف زرداری کے بھی طبی بنیادوں‌ پر عدالت سے رجوع کئے جانے کا امکان

واضح رہے کہ ایف آئی اے نے گزشتہ برس 6 جولائی کو بینکنگ کورٹ میں جعلی اکاؤنٹس کیس کا مقدمہ دائر کیا تھا آصف زرداری اور فریال تالپور نے گرفتاری سے بچنے کے لیے ضمانت لے رکھی تھی .بعد ازاں احتساب عدالت سے ضمانت کی درخواست مسترد ہونے پر انہیں عدالت نے گرفتار کر لیا تھا، آصف زرداری کو عدالت نے جسمانی ریمانڈ کے بعد جوڈیشل ریمانڈ پر بھیجا تھا تا ہم ان کی طبیعت خراب ہونے پر ہسپتال منتقل کیا گیا ہے، فریال تالپور اڈیالہ جیل میں قید ہیں.