پاکستان میوزک انڈسٹری کے نامور گلوکارعاصم اظہر امتحانات سے متعلق پریشان طلبا کی مدد کے لیے میدان میں کود پڑے ۔
باغی ٹی وی :ملک بھر میں جاری کورونا وبا کے پیش نظر گزشتہ برس تعلیمی ادارے مسلسل کئی ماہ تک بند رہے۔ کورونا کیسز میں کمی کے بعد تعلیمی ادارے کھل تو گئے لیکن اب ایک بار پھر کورونا کی تیسری لہر اور مسلسل بڑھتے کیسز کی وجہ سے دوبارہ تعلیمی ادارے بند کرنے پر غور کیا جارہا ہے۔
اس حوالے سے آج 6 اپریل یعنی منگل کو وزراء اور این سی ای او سی حکام کا اجلاس منعقد ہو گا جس میں فیصلہ کیا جائے گا تعلیمی ادارے بند ہوں گے یا نہیں؟-
تعلیمی اداروں کے کُھلنے اور بند ہونے کی وجہ سے طالبعلموں کی پڑھائی متاثر ہوئی ہے۔ طالبعلم گزشتہ ایک برس سے اسکولز بند ہونے اور کھلنے کی وجہ سے اپنی تعلیم صحیح طرح سے جاری نہیں رکھ سکے ہیں اور اسی وجہ سے وہ امتحانات کی تیاری نہ ہونے کی وجہ سے پریشان ہیں اور امتحانات کینسل کرنے کا مطالبہ کر رہے ہیں تاہم طلبا کی اسی پریشانی کو دیکھتے ہوئے گلوکار عاصم اظہر اب میدان میں کود پڑے ہیں۔
Students have really been disturbed due to the ongoing pandemic causing the institutes to close/open again & again. I personally know some students that haven’t been able to complete their syllabuses as well. Please kuch karain aur bacho ka saath dain. 🙏🏽 @Shafqat_Mahmood
— Asim Azhar (@AsimAzharr) April 5, 2021
عاصم اظہر نے گزشتہ روز سماجی رابطے کی ویب سائٹ ٹوئٹر پر اپنی ٹوئٹ میں کہا کہ وبائی بیماری کی وجہ سے تعلیمی اداروں کو بار بار بند کرنے اور کھولنے کی وجہ سے طلبا واقعتاً پریشان ہوچکے ہیں۔
گلوکار نے کہا کہ میں ذاتی طور پر کچھ ایسے طالبعلموں کو جانتا ہوں جو اپنا نصاب بھی مکمل نہیں کرسکے ہیں۔
عاصم اظہر نے وزیرتعلیم شفقت محمود سے درخواست کرتے ہوئے کہا ’براہ مہربانی ’کچھ کریں‘ اور بچوں کا ساتھ دیں۔
Asim you are gonna be our next Education Minister!
BTS Armys are with you💜
Hwaiting pic.twitter.com/OeqzJdKSig— 𝐅𝐀𝐓𝐈𝐌𝐀 ꒰ pct stan ꒱ 💚 (@girlnamedfatima) April 5, 2021
عاصم اظہر کی اس پوسٹ پر ایک صارف نے خوشیکا اظہار کرتے ہوئے انہیں پاکستان کا اگلا وزیر تعلم بنا دیا-
Ghar baithay or private students ki tarah parhain else keep private tuitions n complete ur syllabus. Dont give lame excuses! Get ready for the final exams. Already a year has been wasted coz of ppl loke u!
— Sana Khan (@Sunnyfunny786) April 5, 2021
جبکہ ایک ثنا خان نامی خاتون صارف نے عاصم اظہر کو آڑے ہاتھوں لیتے ہوئے کہا کہ گجر بیٹھے پرائیویٹ بچوں کی طرح پڑھیں اور پرائیویٹ ٹیوشنز رکھیں اور اپنا نصاب مکمل کریں ایسے بھونڈے لنگڑے بہانے نہ بنائیں اور فائنل امتحانات کے لئے تیاری کریں آپ جیسے لوگوں کی سفارشوں اور بہانوں کی وجہ سے پہلے ہی ایک سال ضائع ہو چُکا ہے-
https://twitter.com/o_tu_rehn_dyy/status/1379038889982185474?s=20
عمارہ نامی خاتون صارف نے عاصم اظہر کی پُرانی تصویر شئیر کرےے ہوئے لکھا کہ کون ہے یہ؟
واضح رہے کہ وزیر تعلیم سندھ سعید غنی نے پریس کانفرنس کرتے ہوئے کہا کہ اس سال بغیر امتحان پاس نہیں کیا جائے گا اور طلبہ کو بغیر امتحان لیے اگلی کلاس میں نہیں بھیجیں گے، امتحانات آگے بڑھانا پڑے تو بڑھائیں گے لیکن امتحان ضرور ہوگا اور نا ہی طلبہ کو پروموٹ کیا جائے گا۔
خیال رہے کہ کورونا کی تیسری لہر کے پیش نظر پاکستان میں مریضوں کی تعداد بڑھ رہی ہے جس کے باعث اسپتالوں پر بھی دباؤ آ رہا ہے جبکہ زیادہ کیسز آنے کے باعث پنجاب اور خیبر پختونخوا کے کئی شہروں میں اسکولوں کو بند کر دیا گیا ہے۔