گلوکار عاصم اظہر اور اداکار آغا علی نے وزیر اعظم سے امتحانات منسوخ کرنے کی درخواست کی ہے۔
باغی ٹی وی : عاصم اظہر نے ٹوئٹر پر اپنا پیغام جاری کرتے ہوئے لکھا کہا کہ تمام طالبعلم ایک ہی درجہ رکھتے ہیں، پھر چاہے وہ کیمبرج کے طلبہ ہوں یا دیگر کسی بورڈ کے، سب کے ساتھ انصاف ہوگا، انشاءاللہ!
All students are equal. Chaahay board ya cambridge. Justice hoga tou sabka hoga, InshaAllah!
— Asim Azhar (@AsimAzharr) July 2, 2021
گلوکار نے ایک اور ٹوئٹ میں وزیراعظم عمران خان سے مخاطب ہوتے ہوئے ہیش ٹیگ کا استعمال کیا اور کہا کہ سر طلبہ کی سُن لیں۔
#ImranKhanStudentKiSunLo 🙏🏽 sir, @ImranKhanPTI !
— Asim Azhar (@AsimAzharr) July 2, 2021
دوسری جانب اداکار اور میزبان آغا علی نے بھی انسٹاگرام اکاؤنٹ پر اسٹوری شیئر کی جس میں ایک خاتون پلے کارڈ اٹھائے کھڑی ہیں۔
اداکار نے اس تصویر پر لکھا کہ کوئی اِن کی بھی سن لے۔
آغا علی نے سوالیہ انداز اپناتے ہوئے پوچھا کہ پوری دنیا نے طلبہ کی سن لی ہے، ہم کیوں نہیں سن رہے؟
عاصم اظہر کے ٹوئٹس اور آغا رلی کے پیغام پر طلبہ کی بڑی تعداد ان کی حمایت کرتی ہوئی نظر آرہی ہے، طلبہ کا کہنا ہے کہ وہ بہت خوش ہیں شوبز ستارے اُن کے بارے میں سوچتے ہوئے اپنی آواز بُلند کررہے ہیں۔
