عہدیدارکا گھربارود خانہ نکلا،اسلحہ برآمد ہونا خونی مارچ کے ثبوت ہیں،وزیر داخلہ
وفاقی وزیر داخلہ رانا ثناء اللہ کا کہنا ہے کہ پی ٹی آئی عہدیداروں کے گھروں سے اسلحہ وگولہ بارود برآمد ہوا،
رانا ثناء اللہ کا کہنا تھا کہ اسلحہ برآمد ہونا خونی مارچ کے ثبوت ہیں لاہور پی ٹی آئی جنرل سیکریٹری کا گھر بارود خانہ نکلا،سیاست کے لبادے میں دہشت گردی کی سازش برداشت نہیں کریں گے ،یہ ثبوت ہے کہ عمران نیازی سیاست نہیں کررہا، دہشت گردی پر اتر آیا ہےثابت ہوگیا ہے کہ یہ پُرامن سیاسی کاررواں نہیں مسلح لشکر کشی ہے عمران نیازی سے کہتا ہوں کہ خونی انقلاب منسوخ کردیں عمران نیازی خیبرپختونخوا حکومت کے سرکاری وسائل فساد کے لیے استعمال نہ کریں معیشت کی بنیادوں میں بارود بھرنے والوں کو معاشرے کا امن تباہ نہیں کرنے دیں آئین اور قانون پر سختی سے عمل ہوگا،جو قانون ہاتھ میں لے گا گرفتار کیاجائے گا،عوام کے جان ومال کا تحفظ ہر قیمت پر یقینی بنائیں گے ،قوم کو ٹرک کی بتی کے پیچھے لگانے والے اب بتی چوک کی آوازیں لگا رہے ہیں،
وزیراعلیٰ پنجاب حمزہ شہباز نے کہا ہے کہ راستوں کی بندش سے شہریوں کی مشکلات کاپورا احساس ہے،راستوں کی بندش سے شہریوں کی مشکلات پر معذرت خواہ ہوں پاکستانی کی حیثیت سے عوام کے جان ومال کے تحفظ کیلئے اقدامات کیے ہیں،بڑے قومی مقصد کے حصول کیلئے ایسی تکلیف کوئی حیثیت نہیں رکھتی، عمران خان اوران کے حواری وطن عزیز کی بنیادوں کو کھوکھلا کررہے ہیں، دھرنا سیاست یامارچ سے پاکستان کو آگے نہیں لے جایاجاسکتا،عمران خان کا گھناؤنا چہر ہ عوام کے سامنے بے نقاب ہوچکا ہے،عمران خان اقتدار کے لیے کسی بھی حد تک جانے کو تیار ہے، قوم کو تقسیم کرنے کی سازش عمرانی سیاست کے تابوت میں آخری کیل ثابت ہوگی،پی ٹی آئی مقامی عہدیدار کے گھر سے اسلحہ برآمدگی سے ان کے ارادے واضح ہو گئے ہیں، یہ آزادی نہیں خونی مارچ کی بھرپور منصوبہ بندی ہے، عمران نیازی اس ملک میں انارکی اور انتشار چاہتے ہیں،عمران نیازی گلی محلوں میں خون اور لاشیں گرا کر اقتدار کے خواب نہ دیکھیں عوام کے جان و مال کا تحفظ ریاست کی ذمہ داری ہے
ترجمان پنجاب حکومت عطا تارڑ کا کہنا ہے کہ کیا لانگ مارچ اس طرح ہوتے ہیں جیسے پی ٹی آئی کررہی ہے پنجاب میں دفعہ144کا نفاذ کیاگیا ،لوگوں کاتحفظ حکومت کی ترجیح ہے،نام نہاد ا سپیکر پنجاب اسمبلی نے پولیس اہلکار کی شہادت کا مذاق اڑایا آپ کو کس نے حق دیا کہ پہلے اس پر گولی برسائیں ،یہ چاہتے ہیں کہ ہر طرف انتشار اور بد امنی ہو،گزشتہ روز گوجرانوالہ میں میرے چھوٹے بھائی کے ڈیرے پر حملہ کیا گیا گوجرانوالہ میں میرے چھوٹے بھائی کے ڈیرے پر فائرنگ کی گئی پی ٹی آئی کرکیاکررہی ہے؟ معاملات کو یہاں تک نہ لے کر جائیں،ملک میں امن و شانتی ہوگی تو ملک آگے چلے گا،اطلاع ہے کہ خیبرپختونخواسے سرکاری خرچے پر کرینیں لے کر آرہے ہیں، عمران خان جتھوں کے ذریعے اسلام آباد پر لشکر کشی کرنا چاہتے ہیں،ملکی حالات بھی عمران خان کی وجہ سے ایسے ہیں،آپ کا لانگ مارچ آپ کے اپنے ہی کیے ہوئے کاموں کے خلاف ہے،عمران خان جو کرنے جارہے ہیں یہ بین الاقوامی سازش ہے، آپ تاثر دینا چاہتے ہیں کہ ملک رہنے کے قابل نہیں ہے، صوبائی حکومت وفاقی حکومت سے مکمل رابطے میں ہے، کیمروں سے لانگ مارچ مانیٹر کیا جائے گا، وزیر اعلیٰ پنجاب نے مشکلات پر عوام سے معذرت کی، لانگ مارچ کر والوں کے تحفظ کے لیے اقدامات لیے گئے ہیں، کسی پر بھی تشدد نہیں کیا جائے گا، کسی کو گھسیٹا نہیں کیا گیا، معمول کی کارروائی ہوتی ہے،
عطا تارڑ کا مزید کہنا تھا کہ بچاش نیازی اور زبیر نیازی کے گھروں پر چھاپہ مارا گیا تو اسلحہ برآمد کیا گیا،برآمد ہونے والا اسلحہ جدید ہے، عمران خان وہاں چھپے ہیں جہاں ان کی اپنی حکومت ہے،عمران خان سرکاری وسائل پر زندگی بسر کررہے ہیں،
’خونی مارچ ہوگا‘ کے اعلانانات کرنے والوں سے حساب لیں گے،وزیر داخلہ
لال حویلی، پولیس چھاپے کے دوران رکن اسمبلی گرفتاری سے بچنے کیلئے پچھلے گیٹ سے فرار
لانگ مارچ،متحرک کارکنان کی فہرستیں تھانوں کو مل گئیں
پولیس پہنچی تو میاں محمود الرشید گرفتاری کے ڈر سے سٹور میں چھپ گئے
پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم
درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ
کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت
اللہ تعالیٰ اس ملک کے سیاست دانوں کو ہدایت دے،لاہور ہائیکورٹ کے ریمارکس
لانگ مارچ، راستے بند، بتی چوک میں رکاوٹیں ہٹانے پر پولیس کی شیلنگ،کئی گرفتار
