عاطف اسلم نے بتایا کہ وہ کوک سٹوڈیو سیزن 12 میں "وہی خدا ہے” کس کو ڈیڈیکیٹ کرنا چاہتے ہیں؟

کوک سٹوڈیو سیزن 12 میں عاطف اسلم اپنی پرفارمنس کی تیاری کر رہے ہیں. عاطف اسلم نے بتایا کہ جب آپ اس کائنات کی چیزوں پر غور کرتے ہیں تو ایک رونق خوشی سے آتی ہے، اس سوچ میں ہی ایک الگ سا مزہ ہے.

عاطف اسلم نے کہا کہ میں یہ کلام عقیدت سے پڑھ رہا ہوں اور جب دل سے پڑھو تو ہی قبول ہوتا ہے. اور جب اللہ کے حضور قبول ہو جائے تو آپ اس فہرست میں شامل ہو جاتے ہو جسے وہ (اللہ تعالی) چاہتا ہے.

جہاں اللہ کا ذکر آتا ہے وہی ان کے محبوب مُحَمَّدﷺ کا بھی ذکر آتا ہے اور کلام پڑھنے کا مزہ بڑا ہو جاتا ہے.

عاطف اسلم کا کہنا تھا کہ وہ یہ حمد اپنے بیٹے کو ڈیڈیکیٹ کرنا چاہتے ہیں جو ابھی 5 سال کا ہے. جب وہ بڑا ہوگا اور سنے سمجھے گا تو اسے خوشی ہوگی کہ یہ کلام اس کے والد نے پڑھا ہے.

واضح رہے عامر اظہر نے بتایا کہ وہ یہ حمد عاطف اسلم کی آواز میں پڑھوانا چاہتے تھے تاکہ لوگ اسلام کی طرف راغب ہوں.