اسکاٹ لینڈ کے شہری کا اضافی کرائے سے پچنے کا انوکھا انداز

اسکاٹ لینڈ کے شہری جون ارون نے اضافی وزن سے بچنے کےلیے انوکھا سٹائل اپنا لیا،جان کر حیران ہو جائیں گے.

تفصیلات کے مطابق اسکاٹ لینڈ کے شہری جون ارون نے اضافی وزن سے بچنے کےلیے انوکھا سٹائل اپنا لیا،جان کر حیران ہو جائیں گے. چیک ان ڈیسک پر جون کو بتایا گیا کہ ان کا سامان مقررہ حد سے 8 کلوگرام زیارہ ہے جس کے لیے اضافی کرایہ ادا کرنا ہوگا۔

جون نے اضافی رقم دینے سے انکار کردیا اور ایک الگ ہی حل نکالا، انہوں نے 8 کلوگرام وزنی کپڑوں کو موجودہ کپڑوں کے اوپر ہی پہن لیا۔

جس وقت جون نے اضافی کپڑے پہنے اس وقت موسم کا درجہ حرارت 30 ڈگری سینٹی گریڈ تھا، جون کے بیٹے نے اپنے والد کے اتنے زیادہ کپڑے پہننے کی ویڈیو ریکارڈ کرکے ٹوئٹر پر پوسٹ کردی۔

17 سالہ نوجوان نے بتایا کہ وہ اپنے گھر واپس آرہے تھے کہ کاؤنٹر پر موجود خاتون نے انہیں اضافی وزن کا کرایہ دینے کا کہا۔اس پر والد نے خاتون کو کہا کہ اب دیکھیں اور پھر ٹی شرٹس اور جمپر پہننے شروع کردیے۔