وزیر اعلیٰ پنجاب مریم نواز شریف کی ہدایت پررمضا ن المبارک میں عوام کو ریلیف کی فراہمی کیلئے پنجاب حکومت متحرک ہے اورنگہبان رمضان پیکج کے تحت 18لاکھ سے زائد راشن بیگز مستحق افراد کی دہلیز تک پہنچا دیئے گئے ہیں۔ رمضان بازاروں میں 51ایگریکلچر فیئر پرائس شاپس پر ایک دن میں 77ہزار صارفین کو سبزیاں، پھل رعائتی نرخوں پر فراہم کئے گئے۔ صوبہ میں گرانفروشوں کیخلاف کریک ڈاؤن میں 511افراد کو گرفتار اور 156مقدمات درج کئے گئے جبکہ پرائس مجسٹریٹس نے گراں فروشی اور دیگر خلاف ورزیوں پر ساڑھے سات لاکھ روپے کے جرمانے بھی عائد کئے۔
ماہ صیام میں عوام کو ریلیف کی فراہمی کیلئے کئے جانیوالے اقدامات سے متعلق چیف سیکرٹری پنجاب زاہدا ختر زمان کو صوبائی حکام نے اعلیٰ سطح کے اجلاس کے دوران بریفنگ دی۔ا جلاس میں نگہبان رمضان پیکج کے تحت راشن بیگز کی ترسیل اور پرائس کنٹرول اقدامات کا جائزہ لیا گیا اور اشیا ء خورونوش کی قیمتوں میں کمی لانے کیلئے اہم فیصلہ کئے گئے۔ اجلاس میں فیصلہ کیا گیا کہ منڈیوں میں سبزیوں اورپھلوں کی قیمتوں کا تعین ضلعی انتظامیہ کے سینئر افسران کی نگرانی میں ہو گا اورقیمتوں میں کمی کیلئے تمام ڈپٹی کمشنرز آڑھتیوں سے ملاقات کر کے انہیں سپلائی بڑھانے پر آمادہ کریں گے۔چار اضلاع میں آٹے کی مقررہ سے زائد قیمت پر فروخت کا نوٹس لیتے ہوئے چیف سیکرٹری پنجاب نے راولپنڈی، قصور، حافظ آباد اور وہاڑی کے ڈپٹی کمشنرز سے رپورٹ طلب کر لی۔انہوں نے کہا کہ نا جائز منافع خوری میں ملوث افراد سے سختی سے نمٹا جائے گا۔ چیف سیکرٹری نے ٹماٹر کی قیمت میں ایک ہی دن میں 30روپے کمی لانے پر ڈپٹی کمشنر سیالکوٹ کی کوششوں کو سراہا اور انہیں دیگر اضلاع کیلئے قابل تقلید قرار دیا۔
صنعت اور زراعت کے سیکرٹریز نے اجلاس کو تفصیلی بریفنگ دی۔ انہوں نے بتایا کہ موثر انتظامی اقدامات اور مانیٹرنگ سے اشیاء کی قیمتوں میں کمی کا رجحان سامنے آیا ہے۔وزیر اعلیٰ پنجاب کی ہدایت پر ذخیرہ اندوزوں اور گراں فروشوں کیخلاف کریک ڈاؤن جاری ہے۔ پھلوں، سبزیوں کی رعائتی نرخوں پر فراہمی کیلئے محکمہ زراعت نے رمضان بازاروں میں 51فیئر پرائس شاپس قائم کی ہیں جہاں پر صارفین کو 13اشیاء پر سبسڈی فراہم کی جا رہی ہے۔ ان اشیاء میں آلو، پیاز، ٹماٹر، کیلا، بیسن، دال چنا، کدو، لہسن، لیموں، سیب، کھجور، امرود، خربوزہ شامل ہیں۔ ایڈیشنل چیف سیکرٹری، چیئرمین پی آئی ٹی بی اور متعلقہ حکام نے اجلاس میں شرکت کی جبکہ تمام ڈویژنل کمشنرز اور ڈپٹی کمشنرز ویڈیو لنک کے ذریعے شریک ہوئے
راشن بیگ پر نواز شریف کی تصویر کیوں؟ صحافی کا وزیراعلیٰ پنجاب سے سوال
وزیراعلیٰ پنجاب مریم نواز سے پاکستان میں تعینات کینیڈا کی ہائی کمشنرکی ملاقات
مجھے اپنی جماعت میں جگہ بنانے کیلئے بارہ برس بہت زیادہ محنت کرنا پڑی،مریم نواز
پاکستانیوں کو خادم مل گیا،وزیر اعلیٰ پنجاب مریم نواز شریف
پیس پلازہ میں آتشزدگی،وزیراعلیٰ پنجاب مریم نواز کا نوٹس
وزیر اعلی مریم نواز کا پہلادورہ راولپنڈی،رنگ روڈکی سڑک دسمبر تک مکمل کرنے کا حکم
مریم نواز نے سرکاری اسپتالوں کی ایمرجنسی میں مفت ادویات کی فراہمی کا پلان طلب کرلیا
مریم نواز سنی اتحاد کونسل کے رانا آفتاب کے پاس خود چل کر گئیں
