بیرون ممالک میں کرونا سے کتنے پاکستانی جان کی بازی ہار چکے؟
باغی ٹی وی کی رپورٹ کے مطابق کرونا وائرس سے بیرون ممالک میں مقیم 4 افراد جان کی بازی ہار چکے ہیں.
سرگو دھا کا رہائشی ملائشیا، دو ہلاکتیں لندن اور ایک اٹلی میں ہوئی ہے،سرگودھا کے علاقے حیدرآباد ٹاﺅن کا رہائشی کرونا وائرس کے باعث ملائیشیا میں چل بسا،آصف قریشی 3 سال سے ملائیشیا میں روزگار کے سلسلہ میں موجودتھا۔
برطانیہ کے شہر شیفیلڈ میں 46 سالہ پاکستانی نژاد شہری کورونا وائرس میں مبتلا ہونے کے بعد جان کی بازی ہار گیا،جاں بحق شخص ٹیلفورڈ کا رہائشی تھا اور اس کا آبائی تعلق آزاد کشمیر کے علاقے ڈڈیال سے تھا،پاکستانی نژاد شہری کی ہلاکت کے بعد اس کے خاندان کے پانچ افراد کو شیفیلڈ میں آئیسولیشن میں رہنے کی ہدایات کی گئی ہے۔
قبل ازیں 17 مارچ کو کرونا وائرس میں مبتلا پاکستانی نژاد برطانوی شہری جاں بحق ہوگیا تھا، جاں بحق شخص کا تعلق لندن کے علاقے بارکنگ سے تھا۔ جاں بحق شخص کے خاندان کو قرنطینہ منتقل کردیا گیا، متوفی کی عمر 60 سال تھی اور اس کا تعلق گوجر خان سے تھا۔
اس سے قبل اٹلی میں ایک پاکستانی کرونا وائرس سے جاں بحق ہو چکا ہے،پاکستان میں کرونا وائرس سے ہلاکتوں کی تعداد 5 ہو گئی ہے
چین سے پھیلنے والا خطرناک کرونا وائرس نے دنیا بھر میں تباہی مچا دی، کرونا وائرس دنیا کے 192 ممالک میں پہنچ چکا، کرونا سے دنیا میں ہلاکتوں کی تعداد 14 ہزار 686 ہو گئی
دنیا بھر میں کرونا سے 3 لاکھ 38 ہزار 724 افراد متاثر ہیں۔ اٹلی میں مرنے والوں کی تعداد 5 ہزار چار سو 76 ہوگئی،جبکہ 59ہزار ایک سو اڑتیس افراد متاثر ہیں، تین ہزار افراد کی حالت تشویشناک ہے۔
۔
امریکا میں کرونا سے مرنے والوں کی تعداد 451 ہوگئی جبکہ متاثرین کی تعداد 34 ہزار سات سو 17 ہے۔ نیویارک میں کرونا مریضوں کی تعداد دنیا بھر کے مریضوں کی تعداد کا پانچ فیصد ہوگئی ہے۔ امریکی صدر ڈونلڈ ٹرمپ نے کیلی فورنیا کو انتہائی آفت زدہ قراردے دیا، انہوں نے خود کو وارٹائم کا صدر قراردے دیا۔ امریکی سینیٹر رینڈ پال میں بھی کرونا وائرس کی تشخیص ہوئی ہے۔
چین میں کرونا سے مرنے والوں کی تعداد 3270 ہے۔ اسپین میں کرونا سے 1772افراد ہلاک ہوگئے۔ ایران میں کرونا سے مرنے والوں کی تعداد 1685 ہے۔ فرانس میں 674 افراد، جنوبی کوریا میں 111، برطانیہ میں کرونا سے 251 افراد ہلاک ہوئے۔ جرمنی میں ہلاکتوں کی تعداد 94 ہے۔ چانسلر انجلا مرکل بھی قرنطینہ میں چلی گئی ہیں۔
کرونا وائرس، سندھ حکومت نے انتہائی اقدامات کا فیصلہ کر لیا،بین الصوبائی بارڈر ہوں گے بند
گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران
بھارت میں کرونا کے 44 مریض، مندر میں بتوں کو بھی ماسک پہنا دیئے گئے
ملک بھر میں کرفیو، تبلیغی جماعتوں کی تشکیل جاری، کیا تبلیغی جماعت مسجدیں بند کروانا چاہتی ہے؟
کرونا وائرس سے بچاؤ کے لئے احتیاطی تدابیر کے طور پرسندھ میں لاک ڈاؤن کا آغاز ہو گیا، شہریوں کے سفر اور جمع ہونے پر پابندی ہو گی،اور سرکاری احکامات کی خلاف ورزی پر قید وجرمانہ ہو گا۔ صوبے میں کرونا وائرس سے متاثرہ افراد کی تعداد 333 ہو گئی، پنجاب میں 225، خیبرپختونخوا میں31 مریض سامنے آئے، ملک بھر میں متاثرہ افراد کی تعداد 776 تک جا پہنچی۔ بلوچستان اور گلگت بلتستان میں کرونا سے پہلی ہلاکت کی تصدیق ہوئی ہے
