مالی سال کی پہلی سہ ماہی میں تجارتی خسارہ 105 فیصد سے تجاوزکر گیا ہے۔

باغی ٹی وی : تفصیلات کے مطابق ادارہ شماریا ت نے پہلے 4 ماہ کے بیرونی تجارت کے اعدادوشمار جاری کردیئے تجارتی خسارہ 15 ارب 61 کروڑ ڈالر سے تجاوز کرگیا-

ادارہ شماریات کے اعداد و شمار کے مطابق برآمدات 24.71 فیصد اضافے سے 9 ارب 44 کروڑ ڈالر ریکارڈ کی گئیں گذشتہ سال 7 ارب 57 کروڑ ڈالر کی برآمدات کی گئی تھیں۔

مہنگائی کی مجموعی شرح 14.31 فیصد تک پہنچ گئی

درآمدات 65.15 فیصد اضافے سے 25ارب 6کروڑ ڈالر رہیں۔گذشتہ سال 15 ارب 17کروڑ ڈالر کی درآمدات کی گئی تھیں۔گذشتہ سال کے 7.60ارب ڈالر کے مقابلے میں خسارہ 105.43 بڑھ گیا ۔

ادارہ شماریات کے مطابق ستمبر کے مقابلے میں اکتوبر میں برآمدات میں 24.71 فیصد اضافہ ہوا اکتوبر 2021 میں برآمدات کا حجم 2 ارب 44کروڑ ڈالررہا۔
اکتوبر 2020 میں برآمدات کا حجم 2 ارب10 کروڑ ڈالر تھا۔

اکتوبر میں مہنگائی میں کتنا اضافہ ہوا ؟اداراہ شماریات نے تازہ ترین اعداد و شمار جاری کردئیے

ستمبرکے مقابلے اکتوبرمیں درآمدات میں 62.83 فیصد اضافہ ہوا اکتوبر2021 میں درآمدات کا حجم 6 ارب 33 کروڑ ڈالر تھا اکتوبر2020 میں درآمدات کا حجم 3 ارب 89کروڑ ڈالر تھا اکتوبر میں تجارتی خسارہ 117.22 فیصد اضافے سے 3.88 ارب ڈالر رہا ۔

پاکستان میں مہنگائی کا 70 سالہ ریکارڈ ٹوٹ گیا ، وفاقی ادارہ شماریات نے مہنگائی کا 3 سالہ ریکارڈ جاری کر دیاقٓ

واضح رہے کہ اس سے قبل ادارہ شماریات نے اپنی رپورٹ میں کہا تھا کہ اکتوبر میں مہنگائی میں 1.90 فیصد اضافہ ریکارڈ کیا گیا ادارہ شماریات کے مطابق جولائی تا اکتوبر 2020 کے مقابلے میں جولائی تا اکتوبر 2021 مہنگائی 8.74 فیصد رہی۔

گزشتہ ایک سال میں گھی 43 فیصد، مسٹرڈ آئل 41.92 اور خوردنی تیل 40 فیصد مہنگا ہوا جبکہ چکن 34.69 فیصد، دالیں اور گوشت 17 فیصد اور آٹا 12.97 فیصد مہنگا ہوا لیکن ایک سال میں ٹماٹر 48.52 فیصد، دال مونگ 29 فیصد، پیاز 28 فیصد اور آلو 19 فیصد سستا ہوا چکن 17.91 فیصد اور سبزی 15.26 فیصد مہنگے ہوئے جبکہ آلو 12.17 فیصد، گندم 7.25 فیصد اور چائے 4.95 فیصد مہنگی ہوئی جبکہ پیاز 12.70 فیصد اور چینی 7.72 فیصد سستی ہوئی جبکہ دال مونگ 6.14 فیصد، انڈے 5.94 فیصد اور مصالحہ جات 3.85 فیصد سستے ہوئے۔