بیٹے سے ملاقات شاہ رخ خان کو مہنگی پڑی،نارکوٹکس کنٹرول بیوروحکام گھر پہنچ گئے

بیٹے سے ملاقات شاہ رخ خان کو مہنگی پڑی،نارکوٹکس کنٹرول بیوروحکام گھر پہنچ گئے
باغی ٹی وی کی رپورٹ کے مطابق شاہ رخ خان نے آج جیل میں اپنے بیٹے آریان خان سے ملاقات کی ہے

اس ملاقات کے بعد بھارت کی نارکوٹکس کنٹرول بیورو نے شاہ رخ خان کے گھر کا دورہ کیا، اینٹی ڈرگ ایجنسی نارکوٹکس کنٹرول بیورو کی ٹیم شاہ رخ خان کے گھر بیٹے سے ملاقات کے چند گھنٹوں بعد پہنچی، اینٹی ڈرگ ایجنسی کی ٹیم نے شاہ رخ خان کے گھر کا دورہ کیوں کیا اس کی ابھی تک تفصیلات سامنے نہیں آ سکی، تا ہم بھارتی میڈیا کہہ رہا ہے کہ ہو سکتا ہے کہ گھر کی تلاشی لینی ہو یا سمن دینے ہو ابھی تک کچھ کنفرم نہیں ہے، این ڈی ٹی وی نے دعویٰ کیا ہے کہ اینٹی ڈرگ ایجنسی شاہ رخ خان کے گھر ضروری کاغذی کاروائی کے لئے گئی ہے اسی دوران اینٹی ڈرگ ایجنسی کی ایک ٹیم نے اداکار اننیا پانڈے کے گھر پر بھی چھاپہ مارا

قبل ازیں آج صبح بالی ووڈ کے سپر اسٹار شاہ رخ خان پہلی دفعہ ممبئی کی آرتھر جیل میں اپنے بیٹے آریان خان سے ملاقات کے لیے پہنچے ،18 دن سے زیر حراست 23 سالہ آریان خان سے شاہ رخ خان نے جیل میں انٹر کوم سے 18 منٹ تک بات کی جبکہ انہوں 20 منٹ کی اجازت دی گئی تھی۔ بھارتی میڈیا کے مطابق اس دوران والد کو دیکھ کر آریان خان جذباتی ہو گئے حراست میں لیے جانے کے بعد سے یہ آریان خان کی اپنی فیملی سے پہلی ملاقات تھی جو ان کے والد تھے یہ ملاقات جیل حکام کی موجودگی میں ہوئی جبکہ سیکورٹی وجوہات کی وجہ سے یہ علاقہ خالی کرا لیا گیا تھا۔ ملاقات کے دوران کورونا وائرس کی وجہ سے آریان اور شاہ رخ خان کے درمیان ایک گرل اور شیشے کی دیوار تھی

منشیات کیس میں گرفتار شاہ رخ خان کے بیٹے آریان خان نے این ڈی پی ایس عدالت میں درخواست ضمانت خارج ہونے کے بعد ممبئی ہائیکورٹ سے رجوع کر لیا ہے، ممبئی ہائی کورٹ میں خصوصی عدالت کے فیصلے کو چیلنج کیا گیا ہے،  عدالت کے جج وی وی پاٹل نے آریان خان کے علاوہ ارباز مرچنٹ اور من من دھمیچا کی درخواست ضمانت کو خارج کر دیا تھا

دوسری طرف بمبئی ہائیکورٹ نے آریان خان کی درخواست ضمانت کی ویڈیو کانفرنسنگ کے ذریعے سماعت کی درخواست مسترد کردی ہے اور کیس کی سماعت کے لئے 26 اکتوبر کی تاریخ مقرر کی ہے منمن دھمیچا کی درخواست ضمانت کی سماعت بھی 26 اکتوبر کوہوگی

آریان خان منشیات کیس: شاہ رخ خان کو ملی خوشخبری

شترو گھن سنہا آریان خان کی حمایت میں بول پڑے

منشیات کیس میں آریان کی گرفتاری:متعدد شوبز شخصیات کے بچوں کا بھارت چھوڑنے کا فیصلہ

منشیات کیس میں گرفتار آریان کو جیل میں مشکلات کا سامنا، شاہ رخ بھی صحت کے مسائل سے…