ممبئی: بھارت پاکستان سے متصل اپنی سرحدوں پر ”ایئر ٹینک“ تعینات کرنے کی تیاریاں کر رہا ہے۔
باغی ٹی وی: بھارتی میڈیا کے مطابقبھارت اپنی دفاعی صلاحیتوں میں مسلسل اضافہ کر رہا ہے، مغرب میں پاکستان اور شمال مشرق میں چین کے سرحدی علاقوں میں دفاعی نظام کو مسلسل اپ گریڈ کیا جا رہا ہے حال ہی میں، اروناچل پردیش میں دو سرنگیں کھولی گئی ہیں، جس سے کسی بھی موسم میں توانگ اور چین کی سرحد سے متصل دیگر علاقوں تک پہنچنا آسان ہو گیا ہے دوسری جانب پاکستان بارڈر پر بھی مغربی سرحد پر ’ ائیر ٹینک‘ تعینات کرنے کی تیاریاں جاری ہیں، توقع ہے کہ فضائی ٹینکوں کی تعیناتی کا یہ منصوبہ گرمیوں میں مکمل کر لیا جائے گا، جسے ائیر ٹینک بھی کہا جاتا ہے جلد ہی پاکستان سے متصل سرحد پر تعینات کیا جائے گا۔
بھارتی فوج نے ہیوی ڈیوٹی اور جدید ترین صلاحیتوں سے لیس ہیلی کاپٹروں کے اسکواڈرن میں اضافہ کیا ہے اعلیٰ معیار کے نائٹ ویژن سسٹم سے لیس اپاچے کو ایک منٹ میں 138 اہداف کو نشانہ بنانے کی صلاحیت رکھنے والے میزائلوں سے لیس کیا جا سکتا ہے، جو اسے فضائیہ کا ایک زبردست اثاثہ بناتا ہے۔
اسکاٹ لینڈ میں مسجد سے نماز پڑھ کے گھر جاتے بچے پر چاقو سے …
فوج کی مغربی کمان میں اپاچے ہیلی کاپٹروں کو تعینات کرنے کی تیاریاں جاری ہیں، جس کی پہلی کھیپ فروری 2024 میں امریکا سے موصول ہونی تھی لیکن اس میں تاخیر ہوئی ہے اب اپاچے ہیلی کاپٹروں کی پہلی کھیپ مئی میں موصول ہونے کا امکان ہے۔
بھارتی فوج نے امریکی کمپنی بوئنگ کے ساتھ اپاچے ہیلی کاپٹروں کی خریداری کا معاہدہ کیا تھا تقریباً 5,691 کروڑ بھارتی روپے کے اس سودے کے تحت بوئنگ بھارتی فوج کو 6 ہیلی کاپٹر فراہم کرے گا امریکا اور بھارت کے درمیان فروری 2020 میں اس دفاعی خریداری پر اتفاق ہوا تھا۔
پاکستان اور افغان وزرائے خارجہ کا ٹیلیفونک رابطہ، دوطرفہ تعلقات مستحکم بنانے کا عزم
اس حوالے سے انڈین آرمی کے ایوی ایشن ڈائریکٹر جنرل لیفٹیننٹ جنرل اجے سوری نے بتایا کہ اپاچے ہیلی کاپٹروں کی سپلائی فروری میں ہی شروع ہونی تھی لیکن بعض وجوہات کی وجہ سے اس میں کچھ تاخیر ہوئی ہے بھارتی فضائیہ کو 22 ”AH-64Es“ اپاچے ہیلی کاپٹر کی سپلائی پہلے ہی کی جاچکی ہے،بھارتی فضائیہ نے ستمبر 2015 میں امریکی کمپنی کے ساتھ 13,952 کروڑ روپے کا معاہدہ کیا تھا۔
