بھارت کون سا آپریشن کر سکتا ہے ، بتایا شاہ محمود قریشی نے
باغی ٹی وی رپورٹ وزیر خارجہ شاہ محمود قریشی نے کہا ہے کہ داخلی انتشار سے توجہ ہٹانے کے لیے ہندوستان پاکستان کے خلاف کوئی فالس فلیگ آپریشن بھی کر سکتا ہے۔
دفتر خارجہ سے جاری اپنے پیغام میں انہوں نے بتایا کہ لائن آف کنٹرول پر بھارتی اشتعال انگیزیوں کا سلسلہ جاری ہے، میں نے دو روز قبل بھی بھارت کو متنبہ کیا تھا کہ پاکستان امن پسند ملک ہے لیکن اگرانہوں نے کوئی ایسی حرکت کی تو اسے مناسب اور بھرپور جواب ملے گا۔
انہوں نے کہا کہ تمام اقلیتیں خصوصاً مسلمان شہریت بل کیخلاف مظاہرے کر رہے ہیں، بھارت نے مقبوضہ کشمیرمیں 39 روز سے کرفیو نافذ کر رکھا ہے، صورتحال سے توجہ ہٹانے کیلئے بھارت فالس فلیگ آپریشن کر سکتا ہے.
وزیرخارجہ کا کہنا تھا کہ بھارت لائن آف کنٹرول کی مسلسل خلاف ورزی کر رہا ہے، 2روزقبل بھارت کو متنبہ کیا تھا کہ پاکستان امن پسندملک ہے، بھارت کی طرف سےکسی بھی کارروائی کا بھرپور جواب دیا جائے گا، گزشتہ روزپاک فوج نے بھارتی اشتعال انگیزی کا بھرپورجواب دیا، عالمی برادری مودی حکومت کےخطرناک کھیل کانوٹس لے۔
