وزارت توانائی پاور ڈویڑن کی ہدایت کے مطابق چیف ایگزیکٹو لیسکو انجینئر شاہد حیدر کی زیر نگرانی بجلی چوروں کیخلاف آپریشن جاری ہیں۔70 روز میں 26980ملزمان بجلی چوری میں ملوث پائے گئے۔
ترجمان لیسکو کی جانب سے جاری کردہ اعلامیہ کے مطابق70روز سے جاری انسداد بجلی چوری مہم کے دوران اب تک12653ملزمان کو گرفتار کیا گیا، مجموعی طور26701 کنکشن کیخلاف ایف آئی آر کی درخواستیں جمع کروائی گئیں جن میں سے 25704 درخواستیں رجسٹرڈ ہو چکی ہیں۔بجلی چوروں کو اب تک48988233 (چارکروڑنواسی لاکھ اٹھاسی ہزاردو سو تینتیس) یونٹس چارج کئے گئے ہیں جن کی مالیت2004591917 (دو ار ب پنتالیس لاکھ اکانوے ہزار نو سوسترہ روپے) ہے۔
بجلی چوروں کیخلاف کئے جانے والے آپریشن میں بڑے کمرشل صارفین بھی بجلی چوری میں ملوث پائی گئے۔ ان تمام کے کنکشنز بھی منقطع کئے گئے اور ان کو ڈٹیکشن یونٹس چارج کئے گئے۔سبزہ زار کے علاقے میں کنکشن کو25000یونٹس (350000) روپے،شیخوپورہ کے علاقہ میں کنکشن کو250000روپے،نشترکالونی کے علاقے میں کنکشن کو2089 یونٹس250000 روپے اوراسلام پورہ کے علاقے میں ایک کنکشن کو200000کی رقم چارج کی گئی ہے۔
گزشتہ چوبیس گھنٹوں کے دوران ریجن بھر میں 462 کنکشنز بجلی چوری میں ملوث پائے گئے،456 بجلی چوروں کے خلاف ایف آئی آرز کی درخواستیں متعلقہ تھانوں میں دائرکی گئیں جس میں سے265درخواستیں رجسٹرڈ ہوچکی ہیں جبکہ20 ملزمان کو گرفتار بھی کرلیا گیا ہے۔ پکڑے جانے والے کنکشنز میں 2 زرعی،22 کمرشل اور438ڈومیسٹک تھے۔ تمام کنکشنز منقطع کرکے ان کو590725(پانچ لاکھ نوے ہزار سات سوپچیس) یونٹس ڈٹیکشن بل کی مد میں چارج کئے گئے ہیں جن کی مالیت24221575(دو کروڑ بیالیس لاکھ اکیس ہزار پانچ سوپچھتر) روپے ہے۔ واضح رہے بجلی چوروں کیخلاف آپریشنز وفاقی پاور ڈویڑن کی جانب سے دی گئی ہدایات کے مطابق کیئے جا رہے ہیں اور چیف ایگزیکٹو انجینئر شاہد حیدر بذاتِ خود ان آپریشنز کی نگرانی کر رہے ہیں۔ لیسکو چیف کا کہنا ہے کہ بجلی چوری کے مکمل خاتمے تک بلا تفریق گرینڈ آپریشن جاری رہے گا۔ آپریشن کے دوران بجلی چوروں کے ساتھ ساتھ ان کی سرپرستی کرنیوالے لیسکو افسران و ملازمین کو بھی قانون کے کٹہرے میں لایا جائے گا۔
رانا عظیم بجلی چوری میں ملوث نکلے،
پرتشدد کارروائیوں کو فوری طور پر روکنے اور شہریوں کے تحفظ کا مطالبہ
اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟
اسرائیل پر حملہ کی اصل کہانی مبشر لقمان کی زبانی
