بلاول بھٹو کس روٹ سے کل جلسہ گاہ پہنچیں گے،خبر آگئی

0
40

چئیرمین بلاول بھٹو زرداری کے استقبالی جلوس کا روٹ..

چئیرمین بلاول بھٹو زرداری 12 بجے بلاول ہاؤس لاہور سے روانہ ہونگے جہاں سے جمیل منج انکا استقبال کریں گے۔۔بذریعہ رنگ روڈ گجومتہ پہنچیں گے۔جہاں ثمینہ گھرکی انکا استقبال کریں گی۔ یوحنا آباد عمران اٹھوال انکا استقبال کریں گے۔پاک عرب سوسائٹی پر شیخ مقبول انکا استقبال کریں گے  اسماعیل نگر پر عاصم بھٹی انکااستقبال کریں گے۔
۔ لبرٹی چوک حاجی عزیز الرحمن چن انکااستقبال کریں گے ظفر علی روڈ پر ایاز صادق کے گھر مریم نواز انہیں ظہرانہ دیں گی جس کے بعد وہ جلسہ گاہ پہنچیں  گے۔

چیئرمین پاکستان پیپلز پارٹی بلاول بھٹو زرداری پی ڈی ایم کے 13 دسمبر کے جلسے کے سلسلے میں لاہور میں موجودہیں جہاں پاکستان پیپلزپارٹی کے سرکردہ رہنما غلام محی الدین نے ایک استقبالیہ دیا جس میں پارٹی عہدیداروں اور کارکنوں کی ایک بہت بڑی تعداد نے شرکت کی۔ اس موقع پر خطاب کرتے ہوئے چیئرمین بلاول بھٹو زرداری نے کہا کہ لاہور کے جیالے پاکستان کے وہ سیاسی کارکن ہیں جنہوں نے ایوبی آمریت کو شکست فاش دی اور جمہوریت کی راہ میں آمر جنرل ضیاءکے کوڑے کھائے اور جمہوریت کے لئے شہادتیں قبول کیں۔ پاکستان کی جمہوری جدوجہد میں لاہور کے پیپلزپارٹی کے جیالوں کا خون شامل ہے۔ یہ کارکن اچھی طرح جان چکے ہیں کہ آمریت کا مقابلہ کیسے کیا جاتا ہے، لانگ مارچ کیسے کیا جاتا ہے، ٹرین مارچ کیسے کیا جاتا اور بڑی بڑی قوتوں کو شکست کیسے دی جاتے ہے؟ انہوں نے کہا کہ ہم پی ڈی ایم کے پلیٹ فارم سے اپنے سیاسی مخالفین کے ساتھ مل کر پاکستان کی عوام کے لئے فیصلہ کن جمہوری جدوجہد کر رہے ہیں۔ جس کے بعد انشااللہ ہم پاکستان میں حقیقی جمہوریت بحال کریں گے۔ ہم لاہور کے مزدوروں اور غریب عوام کو آواز مہیا کریں گے تاکہ وہ اپنے مستقبل کا فیصلہ خود کر سکیں کہ اس ملک کی معاشی پالیسی کیا ہوگی اور اس ملک کا حکمران کون ہوگا۔ ہم اس سلیکٹڈ حکومت کو ہٹا کر ایک عوام حکومت بنائیں گے جو بھٹو شہید کا کیا ہوا ہر وعدہ پورا کرے گی۔ ہم اپنے اصولوں پر کھڑے ہوئے ہیں کہ اسلام ہمارا دین ہے، جمہوریت ہماری سیاست ہے، اسلامی مساوات ہماری معیشت ہے اور طاقت کا سرچشمہ عوام ہے۔ اب سب یہ مان چکے ہیں کہ طاقت کا سرچشمہ عوام ہیں۔ انہوں نے کہ جیت اور حکومت جیالوں کی ہوگی اس کے لئے آپ کو اپنی جدوجہد جاری رکھنا پڑے گی۔ جمہوریت ہی وہ واحد راستہ ہے جس سے عوام کے مسائل حل کئے جا سکتے ہیں۔ جب جیالے جنوری میں اپنا لانگ مارچ شروع کریں گے تو عمران خان اور اس کی حکومت بھاگ جائے گی۔ کل آپ سب نے مینار پاکستان پہنچنا ہے مینار پاکستان پر پی ڈی ایم کی قیادت آئندہ کا لائحہ عمل طے کرے گی اور اس جدوجہد کا دوسرا مرحلہ شروع جائے گا۔ 

Leave a reply