کراچی: سیاست عزت کے لیے کرتے ہیں:ن لیگ کی کیاحیثیت:بلاول بھٹونے شاہد خاقان عباسی کا نوٹس پھاڑکرپھینک دیا،اطلاعات کے مطابق چیئرمین پیپلزپارٹی بلاول بھٹو نے مسلم لیگ ن کے صدر شاہد خاقان عباسی کا شوکاز نوٹس پھاڑ کر پھینک دیا۔
ذرائع کے مطابق چیئرمین پیپلزپارٹی بلاول بھٹو کی زیر صدارت پیپلزپارٹی سینٹرل ایگزیکٹو کمیٹی (سی ای سی) کا اجلاس ہوا جس میں پی ڈی ایم کے شوکاز نوٹس کا معاملہ زیر بحث آیا۔
اس اہم اجلاس میں ذرائع کے مطابق بلاول بھٹو نے شرکا کو شاہد خاقان عباسی کا شوکاز نوٹس پڑھ کر سنایا اور پھر اسے پھاڑ کر پھینک دیا۔
ذرائع کا کہنا ہے کہ شوکاز نوٹس پھاڑے جانے پر سی ای سی کے شرکا کی جانب سے تالیاں بجائی گئیں، بلاول بھٹو کا کہنا تھا کہ ہم سیاست عزت کے لیے کرتے ہیں، عزت سے بڑھ کر کوئی چیز نہیں ہے۔
واضح رہے کہ مسلم لیگ ن کی جانب سے عوامی نیشنل پارٹی (اے این پی) اور پیپلزپارٹی کو شوکاز نوٹس بھیجے گئے تھے جس کے بعد اے این پی نے پاکستان ڈیمو کریٹک موومنٹ (پی ڈی ایم) سے علیحدگی کا اعلان کیا تھا۔اے این پی نے بھی شوکازنوٹس کومستردکردیا تھا
Leave a reply
