بی جے پی کا سابق رکن اسمبلی جنسی زیادتیوں کا عادی مجرم نکلا،درجنوں واقعات کا اعتراف

نئی دہلی: بی جے پی کا سابق رکن اسمبلی جنسی زیادتی کا عادی مجرم نکلا،درجنوں واقعات کا اعتراف،اطلاعات کےمطابق بھارتی عدالت نے حکمران جماعت بھارتیہ جنتا پارٹی کے سابق رکن اسمبلی دلیپ سینگرکو نابالغ لڑکیوں کے اغوا اوران کے ساتھ جنسی زیادتی کا مجرم قرار دے دیا۔

بھارتی اداروں کی اپنی رپورٹ کے مطابق عدالت اس معاملے میں کل سزا کی مدت کا تعین کرے گی، کہا جارہا ہے کہ سینگر کو عمر قید تک کی سزا دی جاسکتی ہے۔دوران سماعات عدالت نے تسلیم کیا کہ سینگرایک طاقتورآدمی ہےاورمتاثرہ لڑکیاں غریب خاندانوں سے ہوتی ہیں جنہیں یہ زورکے بل بوتے پرزیادتی کا نشانہ بناتا تھا ،

عدالت نے ایسے ہی ایک کیس میں بی جے پی کے سابق رکن کوسزاسنائی ہے جس میں‌ زیادتی کا شکار ایک دیہاتی لڑکی ہے، وہ کوئی تعلیم یافتہ نہیں ہے جس کی وجہ سے اسے کیس درج کرانے میں تاخیر ہوئی۔متاثرہ لڑکی نے جب اترپردیش کے وزیراعلیٰ ادیتیہ ناتھ یوگی کو شکایتی خط لکھا تو اسے انتقام کا نشانہ بنایا گیا اور اس کے گھر والوں کے خلاف کئی مقدمات درج کیے گئے۔

بھارتی ریاست اترپردیش کے رکن اسمبلی سینگر نے 2017 میں ایک لڑکی کو ملازمت دینے کے لیے اپنے گھر بلایا تھا جہاں اس کے ساتھ مبینہ طور پر جنسی زیادتی کی گئی۔رپورٹ کے مطابق جب لڑکی اپنے گھر نہیں پہنچی تو گھر والوں نے پولیس کو شکایت درج کرائی جس کے بعد ایک دوسرے شہر سے اسے بازیاب کرایا گیا، لڑکی نے بعد میں بیان درج کرایا کہ اسے اغوا کرکے کانپور لے جایا گیا تھا جہاں اسے زیادتی کا نشانہ بنایا گیا۔