اب جی میل پر بھی بلیو ٹک نظر آئے گا
ویب سائیٹ ٹیک کرنچ کی خبر کے مطابق ابھی تک سوشل میڈیا نیٹ ورکس جیسے ٹوئٹر یا فیس بک کے اکاؤنٹس پر بلیو ٹِک دیا جاتا تھا۔ مگر گوگل کی جانب سے ای میل سروس جی میل کے اکاؤنٹس کے لیے بھی بلیو ٹِک کا فیچر متعارف کرایا جا رہا ہے۔ اس فیچر کا مقصد صارفین کو یہ یقین دلانا ہے کہ کسی اکاؤنٹ کی جانب سے بھیجی جانے والی ای میل مستند ہے،کوئی فراڈ نہیں۔
جی میل میں بلیو چیک مارک کا اضافہ گوگل کی Brand Indicators for Message Identification (بی آئی ایم آئی) ٹیکنالوجی کے تحت کیا جا رہا ہے۔ گوگل کی جانب سے جی میل میں اس ٹیکنالوجی کی آزمائش 2020 میں شروع کی گئی تھی۔ جبکہ کمپنی نے ایک بلاگ پوسٹ میں بتایا ہے کہ ابتدائی طور پر کمپنیوں کے جی میل اکاؤنٹس پر بلیو ٹِک کا اضافہ کیا جائے گا تاکہ ای میل اکاؤنٹ کے مستند ہونے کا عندیہ مل سکے۔
مزید یہ بھی پڑھیں؛
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
جب اس ای میل کے اوپر ماؤس کرسر کو رکھا جائے گا تو صارف کے مستند ہونے کی یقین دہانی کا ایک میسج نظر آئے گا جس میں مزید تفصیلات کے ایک لنک بھی موجود ہوگا۔ گوگل کا کہنا تھا کہ ای میل اکاؤنٹ کے مستند ہونے کی تصدیق سے صارفین کو مدد ملے گی جبکہ ای میل سکیورٹی سسٹمز کے لیے اسپام میلز کو شناخت کرنا آسان ہو جائے گا۔ واضح رہے کہ یہ فیچر آئندہ چند دنوں میں تمام صارفین کے لیے متعارف کرایا جا رہا ہے اور ورک اسپیس ایڈمنز اس کے ذریعے اپنی کمپنی کی ای میل اکاؤنٹ پر بلیو ٹِک حاصل کر سکیں گے۔
