کراچی: بولٹن مارکیٹ کے قریب دھماکا،1 خاتون جاں بحق 12 افراد زخمی

کراچی: بولٹن مارکیٹ کے قریب ایک گودام میں دھماکا ہوا ہے جس کے بعد گودام میں آگ لگ گئی۔

باغی ٹی وی : کراچی کے علاقے کھارادر میں دھماکے کے نتیجے میں ایک خاتون جاں بحق اور 12 کے قریب افراد زخمی ہوئے ہیں جاں بحق ہونے والی خاتون کی عمر تقریباً 21 برس بتائی گئی ہے۔

ریسکیو ذرائع کے مطابق دھماکے کے نتیجے میں 12 افراد زخمی بھی ہوئے ہیں۔ دھماکا کھارا در تھانے کے قریب بولٹن مارکیٹ کے علاقے میں ہوا ہے۔

دھماکے کے نتیجے میں موقع پرموجود متعدد موٹر سائیکلز کو نقصان پہنچا جبکہ موقع پر موجود ایک پولیس موبائل کو بھی شدید نقصان پہنچا ہے دھماکے سے کچھ دکانوں کو بھی نقصان پہنچا ہے، سول اسپتال میں خاتون سمیت 12 زخمی پہنچائے گئے ہیں۔

اسلحہ سے بھرا ٹرک پاکستان منتقلی کی کوششیں ناکام بنا دی گئی

خیال رہے کہ حالیہ عرصے میں کراچی دہشتگردی کے نشانے پر ہے حالیہ دنوں میں پہلا دھماکا کراچی یونیورسٹی کے اندر 26 اپریل کو ہوا تھا جس میں تین چینی شہریوں 4 افراد جاں بحق ہوئے تھے اس کے بعد 12 مئی کو کراچی کے علاقے صدر میں داؤد پوتہ روڈ پر دیسی ساختہ بم کا دھماکا ہوا تھا جس میں ایک شخص جاں بحق اور متعدد زخمی ہوئے تھے۔

چیف سیکریٹری سندھ ڈاکٹر محمد سہیل راجپوت نے بولٹن مارکیٹ کے قریب دھماکے کا نوٹس لے لیا اور ایڈیشنل آئے جی کراچی اور کمشنر کراچی اور ڈپٹی کمشنر سائوتھ کو جائے وقوعہ پھچنے کی ہدایت کی-

چیف سیکریٹری سندھ نے کہا کہ ریسکیو آپریشن شروع کیا جائے اور زخمیوں کو فوری ہسپتال منتقل کیا جائےسیکریٹری صحت کو سول اور جناح اسپتال میں ایمرجنسی نافذ کرنے کی ہدایت کی-