شہباز شریف نے پارٹی صدارت سے دیا استعفیٰ
مسلم لیگ ن کے صدر شہباز شریف پارٹی صدارت سے مستعفیٰ ہو گئے ہیں
وزیر اعظم شہباز شریف نے پارٹی صدارت چھوڑ دی ہے، شہباز شریف نے پارٹی صدارت سے استعفیٰ دے دیا ہے، اب ن لیگ کا صدر نواز شریف کو بنایا جائے گا، اس ضمن میں 28 مئی کو ن لیگ کا اہم اجلاس طلب کیا گیا ہے، ن لیگ کی مرکزی مجلس عاملہ کا اجلاس 18 مئی بروز ہفتہ کو طلب کیا گیا،اجلاس پارٹی کے آئین کی شق 15 کے تحت بلایا گیا ہے، پارٹی کے سیکرٹری جنرل احسن اقبال نے تمام اراکین مجلس عاملہ کو میٹنگ کا نوٹس ارسال کر دیا ہے، اجلاس میں پارٹی کی جنرل کونسل اجلاس کے ایجنڈے سمیت اہم فیصلوں کی توثیق لی جائے گی،
اجلاس میں سابق وزیراعظم نواز شریف دوبارہ ن لیگ کی صدارت کے عہدے پر فائز ہوں گے تو وہیں خواجہ سعد رفیق کو سیکرٹری جنرل بنائے جانے کی تجویز سامنے آئی ہے،اب تک سیکرٹری جنرل کا عہدہ احسن اقبال کے پاس ہے، احسن اقبال کے پاس وفاقی وزارت بھی ہے، احسن اقبال نے پارٹی عہدہ چھوڑنے کا عندیہ بھی دے دیا ہے ،جس کے بعد قوی امکان ہے کہ خواجہ سعد رفیق پارٹی سیکرٹری جنرل بنیں گے.
مسلم لیگ ن کے جنرل کونسل اجلاس میں خواجہ سعد رفیق کو سیکرٹری جنرل بنائے جانے کی تجویز پیش کی جائے گی اور اجلاس میں اس ضمن میں حتمی فیصلہ کر لیا جائے گا،خواجہ سعد رفیق کے مقابلے میں لطیف کھوسہ الیکشن جیت گئے تھے، سعد رفیق نے لطیف کھوسہ کو فون کر کے انتخابات جیتنے پر مبارکباد دی تھی اور نتائج کو تسلیم کیا تھا، خواجہ سعد رفیق کے اس عمل کو سراہا گیا تھا،
واضح رہے کہ چند روز قبل صدر مسلم لیگ ن پنجاب رانا ثناء اللہ کی زیر صدارت ہونے والے اجلاس میں نواز شریف کو پارٹی صدارت سنبھالنے کی تجویز پیش کی گئی تھی ،
مسلم لیگ ن کی ترجمان مریم اورنگزیب کا کہنا ہے کہ وزیراعظم جناب محمد شہبازشریف نے پاکستان مسلم لیگ (ن) کی صدارت سے استعفی دے دیا ہے۔ 11 مئی 2024 کو پارٹی کے سیکریٹری جنرل کو بھجوائے جانے والے استعفے میں جناب محمد شہبازشریف نے کہا ہے کہ 2017 میں قائد محمد نوازشریف سے ناحق وزارت عظمی اور جماعت کی صدارت چھین لی گئی تھی۔ میرے محبوب قائد کی بریت اُن کے باوقار کردار اور قوم کی خدمت کے بے داغ ماضی کی گواہی ہے۔ جماعت اور قیادت نے دور ابتلا و آزمائش کا بڑی بہادری اور ثابت قدمی سے مقابلہ کیا اور سرخرو ہوئے۔اس عہدے کو ہمیشہ ایک امانت سمجھا ہے جسے اپنے قائد کو واپس لوٹا رہا ہوں کہ وہ اپنی غیر معمولی لیڈرشپ اور وژن سے ملک اور جماعت کی راہنمائی فرمائیں۔
وزیراعظم جناب محمد شہبازشریف نے پاکستان مسلم لیگ (ن) کی صدارت سے استعفی دے دیا ہے۔ 11 مئی 2024 کو پارٹی کے سیکریٹری جنرل کو بھجوائے جانے والے استعفے میں جناب محمد شہبازشریف نے کہا ہے کہ 2017 میں قائد محمد نوازشریف سے ناحق وزارت عظمی اور جماعت کی صدارت چھین لی گئی تھی۔ میرے محبوب… pic.twitter.com/ajRDEbCbZB
— Marriyum Aurangzeb (@Marriyum_A) May 13, 2024
عمران خان کا صرف اسٹیبلشمنٹ سے مذاکرات کا رویہ معاشرے کی ترقی کےلئے زہر قاتل ہے، ملک احمد خان
سپیکر اسمبلی ملک محمد احمد خان نے میڈیا سے بات چیت کرتے ہوئے کہا ہے کہ وزیر اعظم شہباز شریف نے جب پارٹی صدارت کا عہدہ سنبھالتے ہوئے اسے امانت قرار دیا تھا،شہبازشریف نے واضح کیا تھا کہ میرے قائد و رہنما نوازشریف ہیں۔پارٹی صدارت کا عہدہ نوازشریف کی امانت ہے،سیاست میں اپنی کی ہوئی غلطیاں ماننی چاہئیں،سیاست سے ڈائیلاگ نکال دیں گے تو سیاست ختم ہوجائے گی،عمران خان کا صرف اسٹیبلشمنٹ سے مذاکرات کا رویہ معاشرے کی ترقی کےلئے زہر قاتل ہے، عمران خان کا بات نہ کرنے کا رویہ بنیادی برائی ہے،اسی بنیادی برائی نے اس ملک کی جڑیں کھوکھلی کی ہیں،عمران خان جڑیں کھوکھلی کرنے میں اپنا حصہ بخوبی ڈال رہے ہیں، کشمیر میں عوامی مینڈیٹ سے حکومت بنی ہے،عارف علوی کا احترام اپنی جگہ پر لیکن انہیں اس قسم کی باتوں سے باہر نکلنا چاہئے، کشمیر میں ہونے والے مسائل کا حل بات چیت ہے،
ہوشیار، آپکی جمع پونجی پر بڑا ڈاکہ تیار،الرحمان ڈیویلپرز ،اربن سٹی کی دو نمبریاں پکڑی گئیں
بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا
بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے
سماعت سے محروم بچوں کے لئے بڑی خوشخبری
تجوری ہائٹس کا پلاٹ گورنر سندھ کی اہلیہ کے نام پر تھا،سپریم کورٹ میں انکشاف
چیف جسٹس کا نسلہ ٹاور کی زمین بیچ کر الاٹیز کو معاوضے کی ادائیگی کا حکم
امجد بخاری کی "شادی شدہ” افراد کی صف میں شمولیت
ضمنی انتخابات میں مریم نواز کا جادو کیسے چلا؟ اہم انکشافات
مریم نواز نے پولیس وردی پہنی،عثمان انور نے ساڑھی کیوں نہیں پہنی؟ مبشر لقمان کا تجزیہ
