برٹش ایئرویز نے اکتوبر تک کی اپنی مزید 10,300 پروازیں منسوخ کر دیں

لندن :برٹش ایئرویزنے اعلان کیا ہے کہ وہ اکتوبر کے آخر تک مزید 10,300 مختصر فاصلے کی پروازوں میں کمی کرے گی۔

ایئر لائن، وبائی امراض کے بعد کے عملے کی کمی سے سب سے زیادہ متاثر ہونے والے افراد میں سے جس کے نتیجے میں اس سال مسافروں کے لیے بڑے پیمانے پرمعاملات میں سردمہری آئی ہےجس کی وجہ سے ایئرلائن نے شیڈول کو مزید مضبوط بنانے کی کوشش میں یہ پروازیں منسوخ کرنے کا اعلان کیا ہے

ادھریہ بھی معلوم ہوا ہے کہ یہ فیصلہ اس ہڑتال کی دھمکی کے بعد آیا جس کے بارے میں کہاجارہاہےکہ برٹش ایئرویز کے ملازمین تنخواہوں میں کٹوتی کے خلاف احتجاج کرنے جارہے ہیں، ایئرویز کا خیال ہےکہ اس بحران سے نمٹنے کا واحد حل یہی ہےکہ فی الوقت یہ پروازیں منسوخ کردی جائیں تاکہ اس بحرانی عرصےکےبعد معاملات کو سنبھالا دیا جاسکے

یاد رہےکہ اس سے پہلے بھی برٹش ایئرویز بہت سی پروازیں منسوخ کرچکی ہے، جس سے ایئرویز کو بہت ہی زیادہ معاشی دھچکہ لگا ہے

پچھلے سال بھی برطانوی فضائی کمپنی برٹش ایئرویز نے مارچ 2022 تک کے لیے شیڈول کی گئی اپنی دو ہزار 144 پروازیں منسوخ کر چکی ہے۔ برٹش ایئرویز نے رواں ماہ دسمبر میں جانے والی 210پروازیں منسوخ کی تھیں‌۔ اسی طرح جنوری کی ایک ہزار 146، فروری کی 210اور مارچ کی 243پروازیں منسوخ کی گئی تھیں۔

کمپنی کے اس حالیہ فیصلے سے اندرون و بیرون ممالک دونوں روٹس متاثر ہوں گے۔ کمپنی کے ترجمان کی طرف سے بتایا گیا ہے کہ پروازیں منسوخ کرنے کے اس فیصلے کا کئی پہلووں کے حوالے اطلاق کیا گیا ہے۔واضح رہے کہ برطانیہ اور دیگر بیشتر ممالک کی طرف سے اومیکرون کے پھیلاﺅ کو روکنے کے لیے نئی سفری بندشیں لاگو کی جا رہی ہیں۔