بکھنگم پیلس پر حملے کی کوشش،نامعلوم شخص گرفتار

برطانوی بادشاہ چارلس کی تاج پوشی سے 4 روز پہلے بکھنگم پیلس پر حملہ کرنے کی کوشش کے الزام میں ایک نامعلوم شخص کو گرفتار کر لیا گیا۔

باغی ٹی وی: "بی بی سی ” کےمطابق بکنگھم پیلس کے باہر کنٹرولڈ دھماکا کیا گیا، پولیس کی جانب سے ایک مشتبہ شخص کو گرفتار کیا گیا جس سے چاقو برآمد ہو اہے واقعہ میں گولیاں چلنے یا کسی کے زخمی ہونے کی کوئی اطلاع نہیں ہے۔

5 مئی کو "سائے کی طرح کا”جزوی چاند گرہن دیکھا جاسکے گا، سعودی ماہر فلکیات

رپورٹس میں بتایا گیا کہ ملزم پر شارٹ گن کارٹرجز برطانیہ کے شاہی محل کے میدان میں پھینکنے کا الزام ہے،دوسری جانب برطانیہ کی پولیس نے واقعہ کو دہشت گردی نہیں ٹھہرایا بلکہ معاملہ ذہنی صحت کا قرار دے دیا اور تاج پوشی کی تقریبات کے لئے تیاریوں میں کوئی رکاوٹ نہیں ہوئی-

پولیس کا کہنا ہے کہ اس شخص کی تلاشی لی گئی اور ایک چاقو برآمد ہوا لیکن اس کے پاس بندوق نہیں تھی۔ ان کا کہنا ہے کہ اس کے پاس ایک مشکوک بیگ بھی پایا گیا تھا اور ماہرین کے جائزے کے بعد احتیاط کے طور پر ایک کنٹرول شدہ دھماکہ کیا گیا تھا۔

رپورٹس کے مطابق حملے کے وقت بادشاہ چارلس اور ملکہ کمیلا پارکر جو قریبی کلیرنس ہاؤس میں رہتے ہیں محل میں نہیں تھے،حالانکہ بادشاہ نے منگل کو محل میں آسٹریلیا کے وزیر اعظم انتھونی البانی کی میزبانی کی تھی مشتبہ شخص کئی روز سے محل کے باہر قیام کیے ہوئے تھا،برطانوی میڈیا کے مطابق لوگوں نے مشتبہ شخص کو کہتے سنا تھا کہ ‘ میں بادشاہ کو قتل کر دوں گا’۔

12 سال بعد کوئی ملک غریب نہیں ہوگا. بل گیٹس کا دعویٰ

یہ گرفتاری بادشاہ کی تاجپوشی کی تقریبات سے صرف چار دن پہلے ہوئی ہے جس میں دنیا بھر سے عالمی رہنما اور شاہی خاندان کے دیگر افراد شرکت کریں گےچیف سپرنٹنڈنٹ جوزف میکڈونلڈ نے کہا کہ افسروں نے اس شخص کو حراست میں لینے کے لیے فوری طور پر کام کیا اور اسے پولیس کی تحویل میں لے لیا گیا ہے کسی بھی گولی چلنے، یا افسران یا عوام کے ارکان کے زخمی ہونے کی کوئی اطلاع نہیں ہے افسران جائے وقوعہ پر موجود ہیں اور مزید پوچھ گچھ جاری ہے۔”

بی بی سی کی شاہی پروڈیوسر سارہ پیرش بکنگھم پیلس کے باہر براڈکاسٹ کمپاؤنڈ میں تھیں جب انہیں باہر جانے اور انتظار کرنے کو کہا گیااس نے بی بی سی نیوز چینل کو بتایا کہ جن لوگوں کو وہاں سے نکالا گیا تھا انہوں نے "کنٹرولڈ دھماکے کی آواز سنی اور پھر ہمیں دوبارہ اندر جانے کی اجازت دی گئی۔”

مشتبہ شاٹ گن کے کارتوس برآمد کر لیے گئے ہیں اور ماہرین سے ان کی جانچ کی جائے گی۔ علاقے کی سڑکیں اب دوبارہ کھول دی گئی ہیں اور گھیرا ہٹا دیا گیا ہےبکنگھم پیلس نے تبصرہ کرنے سے انکار کر دیا ہے۔

چاند کی مٹی سے آکسیجن حاصل کرنا ممکن ہے،ناسا

تاجپوشی کی ریہرسلوں میں بدھ کی صبح سویرے پیلے اور سرخ رنگ کی وردیوں میں ملبوس سپاہیوں کو محل اور مال کے ساتھ ساتھ فائل کرتے دیکھا گیا پریڈ میں گھوڑوں کی پیٹھ پر سوار سپاہی اور ڈائمنڈ جوبلی اسٹیٹ کوچ بھی شامل تھے، جو بادشاہ اور ملکہ کو محل سے ویسٹ منسٹر ایبی لے جائیں گے۔

واضح رہے کہ برطانوی باد شاہ چارلس کی تاج پوشی کی تقریب 6 مئی بروز ہفتے کے روز ویسٹ منسٹر ایبی میں ہوگی، تاج پوشی سے پہلے ہی لندن سیاحوں سے بھر گیا، تاج پوشی کی تقریب کی وجہ سے ویک اینڈ پر سینٹرل لندن کی متعدد سڑکیں بند ہوں گی تاج پوشی کی تقریب میں 2 ہزار افراد کو مدعو کیا گیا ہے، پاکستان کی نمائندگی وزیراعظم شہبازشریف کریں گے۔

یاد رہے کہ ملکہ الزبتھ دوم کی وفات کے بعد شاہ چارلس سوم برطانیہ کے بادشاہ بنے ہیں۔

میٹا کی واٹس ایپ میں گوگل ڈرائیو کی متبادل ٹرانسفر کی آزمائش