مریم نواز کے شوہر کیپٹن ر صفدر کو دیا عدالت نے بڑا جھٹکا

مریم نواز کے شوہر کیپٹن ر صفدر کو دیا عدالت نے بڑا جھٹکا

باغی ٹی وی کی رپورٹ کے مطابق اسلام آباد ہائیکورٹ نے کپٹن(ر) صفدر کو سیکیورٹی فراہم کرنے کی درخواست پر فیصلہ سنا دیا

عدالت نے مریم نواز کے شوہر کیپٹن ر ٍصفدر کو سیکورٹی فراہم کرنے کی درخواست مستردکردی ،چیف جسٹس اطہرمن اللہ نے 2 صفحات پر مشتمل تحریری فیصلہ جاری کر دیا،عدالت نےکپٹن(ر) صفدر کی درخواست ناقابل سماعت قرار دے کر مسترد کر دی

اسلام آباد ہائیکورٹ نے فیصلے میں کہا کہ ریاست کی آئینی ذمہ داری ہے کہ ہر شہری کو سیکیورٹی فراہم کرے،آرٹیکل 9 کے تحت ہر شہری کی سیکیورٹی یقینی بنانا ریاست کی ذمہ داری ہے، امید ہے ریاست بلاتفریق ہر شہری کو سیکیورٹی فراہم کرنے کی ذمہ داری پوری کریگی،شہری کو سیکیورٹی فراہم کرنا خصوصی طور پر ریاست کا دائرہ کار ہے عدالت مداخلت نہیں کر سکتی،درخواست گزار کے وکیل نے عدالت کو بتایا کہ وہ متعلقہ اتھارٹی سے رجوع کر چکے ہیں،متعلقہ اتھارٹی کا اختیار ہے کہ وہ سیکیورٹی فراہم کرنے کی درخواست کی وجوہات کا جائزہ لے،عدالت متعلقہ اتھارٹی کو کوئی ہدایات جاری نہیں کر سکتی،

اسلام آباد ہائی کورٹ کے چیف جسٹس اطہر من اللہ نے کیس کی سماعت کی،وکیل جہانگیر جدون نے کہا کہ ریاست کی ذمہ داری ہے کہ ہر ایک کو سیکیورٹی دے،اسلام آباد ہائیکورٹ کے چیف جسٹس اطہر من اللہ نے ریمارکس دیتے ہوئے کہا کہ عدالت ریاست کو نہیں کہہ سکتی کہ کسی کو سیکیورٹی دے، وکیل نے کہا کہ کیپٹن (ر) صفدرنے سیکریٹری داخلہ کو درخواست دی ہے لیکن وہ فیصلہ نہیں کر رہے، عدالت نے کہا کہ ریاست کے سامنے آپکی درخواست آ گئی ہے اب وہ اسکا جائزہ لیں گے،

اسلام آباد ہائیکورٹ کے چیف جسٹس اطہر من اللہ نے ریمارکس دیتے ہوئے کہا کہ ریاست کو اس عدالت کی ہدایت کی ضرورت نہیں ہے، ریاست کی ذمہ داری ہے کہ سب سے کمزور کو بھی سیکیورٹی دی جائے،آئین کے تحت چلنے والی ریاست میں کسی کو کوئی خطرہ نہیں ہونا چاہیے،

چیف جسٹس اسلام آباد ہائیکورٹ نے استفسار کیا کہ درخواست گزار کو کس سے خطرہ ہے؟ وکیل نے کہا کہ خطرہ کسی سے بھی ہو سکتا ہے، اخبار میں آیا کہ تھریٹ ہے،کیپٹن (ر) صفدر عام آدمی نہیں ،مریم نواز کے شوہر ہیں، جس پر عدالت نے ریمارکس دیتے ہوئے کہا کہ یہ بدقسمتی ہے کہ ریاست نے کچھ کو خاص اور کچھ کو عام سمجھا،اس عدالت نے اس نوعیت کی ہر درخواست کو مسترد کیا ہے، عدالت یہ آبزرویشن دے گی کہ ریاست ہر شہری کو سیکیورٹی دے،درخواست گزار کو ریاست پر مکمل اعتماد ہونا چاہیے،

کرونا کا شکار، کیپٹن ر صفدر پر بڑی پابندی لگ گئی

مریم نواز کے ترجمان کیپٹن ر صفدر کو تھانے ملنے گئے تو کیا ہوا؟

کیپٹن ر صفدر کی گرفتاری میں کس کا ہاتھ؟ کامران خان نے نام بھی بتا دیا

کیپٹن صفدر کا کورٹ مارشل کرو، اب سب اندرجائیں‌ گے،مبشر لقمان کا اہم انکشاف

کیپٹن ر صفدر کی گرفتاری کی ویڈیو سامنے آ گئی، پولیس کی جانب سے وی وی آئی پی پروٹوکول

کیپٹن ر صفدر کی گرفتاری، وفاقی وزراء نے بڑا مطالبہ کر دیا

کراچی جلسہ میں بلانے والی پیپلز پارٹی نے کیپٹن ر صفدر کی گرفتاری پر ہاتھ کھڑے کر دیئے

نواز شریف کا مریم نواز سے رابطہ، اہم ہدایات دے دیں،مریم سے ایک اور اہم شخصیت کا بھی رابطہ