باغی ٹی وی کی رپورٹ کے مطابق تحریک انصاف نے حکومتی رہنماؤں پر ختم ہونے والے کیسز کو سپریم کورٹ میں لے جانے کا اعلان کر دیا
تحریک انصاف کے رہنما شفقت محمود نے کہا ہے کہ اپنے خلاف کیسز کے خاتمے تک حکمران الیکشن نہیں کرا رہے ،ملک سے فرار لوگ واپس آرہے ہیں جب سے حکومت آئی ہے ان کا ایک ہی مقصد ہے کیسز ختم کیے جائیں ،16ارب روپے ان کے اکاؤنٹس سے نکلا، سلیمان شہباز اوردیگر نے اپنے اثاثے اپنی آمدن سے زیادہ بنائے، نواز شریف نے قانون بنایا تھا کہ جو باہر سے پیسے آئیں گے ان کا پوچھا نہیں جائے گا، سارے ملک کو لوٹ کر کھا گئے ، یہ باتیں کرتے ہیں حساب ہوگا کبھی معاف نہیں کیا جائے گا،
رہنما پی ٹی آئی حماد اظہر کا کہنا تھا کہ الیکشن کا نام لیں تو ان کی کانپیں ٹانگ جاتی ہیں ،آج تک جواب نہیں آیا کہ مقصود چپڑاسی کے اکاونٹ میں پیسے کہاں سے آئے؟ ان کے کیسز کے گوا ہان کی امو ات ہو جاتی ہیں سپریم کورٹ میں ختم ہونے والے کیسز کو چیلنج کریں گے کرپٹ لوگوں کو بچانے کیلئے قوانین میں تر میم کی جاتی ہے،اگر یہ اتنے ہی صادق وامین ہیں تو آئیں الیکشن لڑیں ،انہوں نے 13سوارب کے کیسز معاف کروا دیئے، پی ٹی آئی سپریم کورٹ میں ختم ہونے والے کیسز کو چیلنج کرے گی ہم حکومت میں آ کر ان کے این آر او ٹو کو اڑا کر رکھ دیں گے،
اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس
، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟
سپریم کورٹ مقدمے کی روزانہ کی بنیاد پر سماعت کرے گی
ترجمان پنجاب حکومت مسرت جمشید چیمہ کا کہنا تھا کہ لوٹی ہوئی دولت انہیں سکھ کیساتھ نہیں کھانے دیں گے،یہ لوگ عوام کے سامنے بے نقاب ہوچکے ہیں ،یہ لوگ عوام میں نکلیں گے تو پتہ چلے گا کہ کتنا اسپیس دیتے ہیں،ہم انہیں ایسے ہی نہیں چھوڑیں گے،ایون فیلڈ اپارٹمنٹ فروخت کرکے جہاں بھی جائیں قوم چھپنے نہیں دے گی،
