نیوزی لینڈ کا روس کے خلاف پابندیوں کا اعلان،کیف کے قریب ائیرپورٹ بھی مکمل تباہ

نیوزی لینڈ نے روس کے خلاف پابندیوں کا اعلان کر دیا

وزیر اعظم جیسنڈا آرڈرن کا کہنا ہے کہ روس کے 100 ارب پتی تاجروں پر سفری پابندی عائد ہوگی،ماسکو کو نیوزی لینڈ کی فضائی حدود یا پانیوں میں داخلے کی اجازت نہیں ہوگی روسی کشتیوں ،بحری جہازوں اورطیاروں پر نیوزی لینڈ کی فضائی حدود یا پانیوں میں داخلے پر پابندی ہو گی

دوسری جانب امریکی سینیٹر مارکو روبیو کا کہنا ہے کہ یوکرین میں نو فلائی زون کے نفاذ سے تیسری عالمی جنگ کا آغاز ہو سکتا ہے،لوگوں کو یہ سمجھنے کی ضرورت ہے کہ نو فلائی زون کیا ہوتا ہے،یہ کوئی ایسا ضابطہ نہیں ہے جو اگر آپ پاس کر دیں تو ہر کسی کو اس کا احترام کرنا ہو گا، نو فلائی زون کا مطلب دراصل روسی طیارے مار گرانے کا اختیار ہے،روسی آئل کی درآمد جاری رکھنے کا مطلب یوکرین میں جنگ کے لیے فنڈ دینا ہے،یہ امریکی اور یورپی مفاد میں نہیں ہے کہ نو فلائی زون نافذ کیا جائے،

برطانیہ یوکرین کو مزید ایک کروڑ ڈالر امداد دینے پر غورکر رہا ہے ترجمان برطانوی وزیراعظم کا کہنا ہے کہ نئی امداد روسی حملوں کے دوران انتظامی امور چلانے کے لیے دی جائے گی، فنڈ کے ذریعے یوکرین کی عوام کی فلاح و بہبود، پینشن اور تنخواہیں دینے میں مدد ملے گی،یہ امداد برطانیہ کی جانب سے وعدہ کیے گئے دو کروڑ 90 لاکھ ڈالر کے علاوہ ہے،

دوسری جانب روس اور یوکرین کے درمیان مذاکرات کا تیسرا راونڈ آج ہوگا ماریو پول میں عارضی جنگ بندی ایک بار پھر ناکام ہوگئی ماریوپل میں روسی شیلنگ سے سیزفائر اور شہریوں کے انخلا کا عمل معطل ہو گیا،ارپن میں روسی شیلنگ سے 3 شہری ہلاک اور پُل تباہ ہو گیا،یوکرینی صدر کا کہنا ہے کہ ساحلی شہر اوڈیسا پر کسی بھی وقت روسی بمباری ہو سکتی ہے،کیف کے قریب ائیرپورٹ بھی مکمل تباہ ہوچکا ہے،

روسی افواج کی پیش قدمی روکنے کے لیے یوکرین آرمی نے ارپن اور بوجا دریاؤں کے پل تباہ کر دیئے جس کے باعث بڑی تعداد میں شہریوں کا ارپن کے علاقے سے انخلا جاری ہے روسی صدر سے ترک اور فرانسیسی صدور نے ٹیلی فونک گفتگو کی جس میں یوکرین میں جنگ بندی پر زور دیا گیا روسی صدر نے جواب دیا کہ یوکرین کی طرف سے لڑائی بند کرنے پر ہی یوکرین میں فوجی آپریشن رکے گا، کسی بھی طرح روس اپنے مقاصد حاصل کر کے رہے گا

یوکرین پر روسی حملوں کا مقابلہ کرنے کے لئے 52 ممالک سے رضاکار کیف پہنچ گئے، یوکرینی وزارت خارجہ کے مطابق عالمی برادری روسی جارحیت کے خلاف یوکرین کے ساتھ کھڑی ہے، واضح رہے گذشتہ ہفتے بدھ کے روز یوکرینی صدر زیلنسکی نے کہا تھا مختلف ممالک سے 16 ہزار جنگجو رضاکارانہ طور پر آ رہے ہیں

روس نے یوکرین کے دارالحکومت کیف سمیت 4 شہروں میں جنگ بندی کا اعلان کردیا ،روس کا کہنا ہے کہ کیف، ماریوپول، خارکوف اورسمی میں جنگ بندی انسانی بنیادوں پرکی جائے گی،جنگ بندی کامقصدشہریوں کوانخلا کی سہولت دینا ہےجنگ بندی مقامی وقت کے مطابق 10 بجے سے شروع ہوگی،

چینی وزیر خارجہ کا کہنا ہے کہ چین روس اور یوکرین مذاکرات کو فروغ دینے کے لیے تیار ہے، یوکرین تنازعہ پر چین ہمیشہ غیرجانبدار رہا ہے،یوکرین کے پیچیدہ مسائل کے حل کیلئے تحمل اور سمجھداری کی ضرورت ہے،یوکرین کے مسئلے پر مذاکرات کو بات چیت کے ذریعےجاری رکھنا چاہیے،روس اور یوکرین کے درمیان جلد از جلد مذاکرات ہونے کے خواہشمند ہیں،چین ریڈ کراس یوکرین کو انسانی امداد فراہم کرے گا،

روس نے 24 فروری کو پڑوسی ملک یوکرین پر حملہ کیا تھا۔ دونوں ملکوں کے درمیان جنگ تاحال جاری ہے اور اس کے ساتھ ساتھ مذاکرات بھی ہو رہے ہیں مغربی ممالک نے اس حملے کے جواب میں روس پر انتہائی سخت معاشی پابندیاں عائد کی ہیں دارالحکومت کیف کے مرکزی چوک میں قومی ترانے کی گونج سنائی دے رہی ہے روسی حملے میں اب تک بچوں سمیت سینکڑوں یوکرینی معصوم شہری جاں بحق ہو چکے ہیں

ممکن ہے آپ مجھے آخری بار زندہ دیکھ رہے ہوں،ہم آگ میں جھونکنے والا امریکہ مدد کو نہ آیا:یوکرینی صدرکا ویڈیو پیغام

امریکی صدر جوبائیڈن کا ہنگامی فیصلہ:یوکرین کوفوجی کمک دینے کےلیے 350 ملین ڈالرامداد کا اعلان

یورپ روس سے جنگ کرنے کےلیےتیار:سخت اقدامات،حالات تیسری عالمی جنگ کی طرف گامزن

روسی صدر پیوٹن نے یوکرین میں فوجی آپریشن کا حکم دے دیا-

:یوکرائن میں ایمرجنسی نافذ:سائرن بج گئے:شہریوں کو روس چھوڑنے کا حکم

برطانیہ آسٹریلیا اور جاپان نے روس پر پابندیاں عائد کرنے کا آغاز کردیا ہ

پوتن کوملک سے باہر روسی فوج کی تعیناتی:نیٹو کے جنگی طیارے سائرن بجانےلگے:پابندیاں بھی لگ گئیں‌

:روس جنگ کےلیے تیار:ولادی میرپوتن نے ملک سے باہر فوج استعمال کرنے کیلیے قانونی رائے مانگ لی

یوکرینی وزیردفاع کا فوجیوں کو روس سے جنگ کیلئے تیار رہنےکا حکم،

پانچ روسی طیارے، ایک ہیلی کاپٹر گرا دیا، یوکرینی وزارت دفاع کا دعویٰ

کون ہے جو ہمارا ساتھ دے؟ یوکرینی صدر کی دہائی

روس نے یوکرین کو بات چیت کی مشروط پیشکش کردی