سی سی پی او لاہور کی ضمنی انتخابات کے پرامن انعقاد پر لاہور پولیس کو شاباش

لاہور: سی سی پی او لاہور بلال صدیق کمیانہ کی ضمنی انتخابات کے پرامن انعقاد پر لاہور پولیس کو شاباش-

باغی ٹی وی : سی سی پی او نے کہا کہ لاہور پولیس کی طرف سے الیکشن مہم اور پولنگ ڈے پر سکیورٹی کے فول پروف انتظامات کئے گئے،بہترین کوآرڈینیشن اور ٹیم ورک کی وجہ سے ضمنی انتخابات کا پر امن انعقاد ممکن ہو،ووٹرز نے آزادنہ فضا اور محفوظ ماحول میں حق رائے دہی استعمال کیا-

ہمارا اصل مقابلہ مہنگائی سے تھا:جس کی وجہ سے ہم ہارگئے:خواجہ سعد رفیق

بلال صدیق کمیانہ نے کہا کہ معمولی لڑائی جھگڑے کے چند واقعات کے علاوہ کہیں کوئی سنگین واقعہ پیش نہیں آیا،حالات انڈرکنٹرول اور پرامن رہے،کسی قسم کا کوئی جانی نقصان نہیں ہوا،ہوائی فائرنگ،اسلحہ کی نمائش،ساتھ کے کر چلنے پر پابندی کی مہم کامیاب رہی ڈولفن سکواڈ،پولیس ریسپانس یونٹ ایلیٹ فورس کی ٹیموں نے پولنگ سٹیشنز کے اطراف موثر پٹرولنگ کی-

کراچی سمیت ملک کے مختلف علاقوں میں بارش کا امکان

دوسری جانب باغبانپورہ میاں بیوی کے قتل پر سی سی پی او بلال صدیق کمیانہ نے نوٹس لیتے ہوئے ایس پی کینٹ سے رپورٹ طلب کر لی ہے سی سی پی او لاہور نے قتل میں ملزم کی فوری گرفتاری کا حکم دیا ہے انہون نے کہا کہ ملزم کی گرفتاری کیلئے تمام وسائل بروئے کار لائیں-

پولیس کے مطابق شادی پورہ میں نامعلوم ملزمان نے سیڑھی لگائی اورچھت پر سوتے میاں بیوی کو فائرنگ کرکے قتل کردیا ایس پی کینٹ عیسی سکھیرا کا کہنا ہے کہ مقتولین کی شناخت 30 سالہ شہزاد اور28 سالہ فرح کے نام سے ہوئی ہے۔ مقتولین پر ایک سال قبل بھی گھر میں گھس کر حملہ ہوا تھا جس کا مقدمہ آٹھ افراد کے خلاف مقدمہ درج کیا گیا تھا۔ ملزمان کی گرفتاری کے لئے خصوصی ٹیم تشکیل دے دی گئی ہے۔

قائد اعظم محمد علی جناحؒ کے قریبی ساتھی خان اعظم خان عبدالقیوم خان کی 121 ویں…

علاوہ ازیں شادباغ گاڑی سوار شخص کو قتل کرنے کا بھی سی سی پی او بلال صدیق کمیانہ نے نوٹس لے لیا اور ایس پی سٹی سے رپورٹ طلب کر لی سی سی پی او لاہورنے واقعہ کی تمام پہلوؤں سے تحقیقات کی ہدایت کی اور قتل میں ملزمان کی فوری گرفتاری کا حکم دے دیا کہا کہ ملزمان کی گرفتاری کیلئے تمام وسائل بروئے کار لائیں-

تحریک لبیک پاکستان ضمنی انتخابات کے نتائج مسترد کر دیئے