مسلمانوں کی اسلامی فتوحات پر مبنی شہرہ آفاق تُرک سیریز دیریلیس ارطغرل میں عبدالرحمن غازی کا کردار ادا کرنے والے جلال نے سلطنت عثمانیہ کیلئے لڑنے والے عبدالرحمن پشاوری کوخراج عقیدت پیش کیا ہے۔
باغی ٹی وی : ارطغرل میں عبدالرحمن غازی کا کردار ادا کرنے والے جلال نے سماجی رابطے کی ویب سائٹ انسٹاگرام اسٹوری پر عبدالرحمن پشاوری کی تصویر کرتے ہوئے لکھا کہ پشاور سے تعلق رکھنے والے عبدالرحمن ایک پاکستانی شیر تھے۔
انہوں نے لکھا کہ عبدالرحمن پشاوری نے ایک مشکل سفر طے کرکے اپنی کتابیں اور جیکٹ فروخت کرکے سلطنت عثمانیہ کی فوج میں شمولیت اختیار کی تھی۔
تُرک اداکار جلال نے لکھا کہ جب اس بہادر شیر کی والدہ نے ان سے واپس آنے کی درخواست کی تو عبدالرحمن پشاوری نے جواب دیا کہ ترک اس وقت مشکل وقت میں ہیں میں ابھی واپس نہیں آسکتا۔
ترک اداکار نے لکھا کہ تجربہ کار جنگجو گالی پولی کے مقام پر مشکل محاذ کے باوجود ڈٹے رہے اور اب وہ استنبول کے مکہ سیمٹری میں مدفون ہیں۔
اس سے قبل جلال نے پاکستان کے یومِ آزادی کے موقع پر پاکستانیوں کے لیے خصوصی پیغام شیئر کرتے ہوئے لکھا تھا کہ میرے پاکستانی بہن بھائیو آپ کو یوم آزادی مبارک ہو اور شہدا پاکستان کو سلام آپ کا برادر ملک ترکی اور ترک عوام ہمیشہ آپ کے شانہ نشانہ کھڑے ہیں
https://www.instagram.com/p/CD3si_cJGNI/?igshid=18k0e0uiw6ibj
جلال پاکستان اور پاکستانیوں کے ساتھ اکثر و بیشتر اپنی محبت کا اظہار کرتے رہتے ہیں اس سے قبل بھی انہوں نے پاکستانی بچوں کو بہادر سپاہی قرار دے دیا تھا اوران کا کہنا تھا کہ پاکستانی بچے بہت بہادرسپاہی ہیں جو کسی بھی چیلنج سے نمٹنا جانتے ہیں -انہوں نے لکھا تھا کہ اشاءاللہ، پاکستان کے ننھے منے بہادر سپاہیو، میں آپ کے دلوں کو حسرت کے ساتھ بوسہ دیتا ہوں آپ ہمارے ماشاءللہ بہادر سپاہی ہیں، انشاءللہ ایک دن آپ کے شانہ بشانہ جنگ میں حصہ لیں گے۔
یاد رہے کہ سیلال ال نے ارطغرل غازی کے تمام سیزن میں کام کیا، تاہم آخری قسطوں میں ان کا کردار ڈرامے کا حصہ نہیں، انہوں نے مجموعی طور پر 150 کے قریب قسطوں میں کام کیا انہوں نے ڈرامے میں ارطغرل غازی کے والد کے قابل بھروسہ گارڈ کا کردار ادا کیا ہے اور ان کی وفاداریوں کے باعث انہیں چیف گارڈ کی ذمہ داری بھی دی جاتی ہے-
https://www.instagram.com/p/CA9o_VKJfji/?utm_source=ig_embed
’ارطغرل غازی‘ کے ’عبدالرحمٰن‘ نے پاکستانی بچوں کو بہادر سپاہی قرار دے دیا،اوربھی اعزازسے نوازا
