پاکستان گرل گائیڈز ایسوسی ایشن کے زیر اہتمام عالمی یوم تفکر منایا گیا

پاکستان گرل گائیڈز ایسوسی ایشن نیشنل ہیڈ کوارٹرز نے 22 فروری 2024 کو عالمی یوم تفکر منایا۔
300 سے زیادہ گائیڈز (6 سے 21 سال کی عمر کے) نے شرکت کی۔ اس دن کا تھیم "ہماری دنیا ہمارا فروغ پذیر مستقبل – ماحولیات اور عالمی غربت” تھا۔ تقریب کے دوران، لڑکیوں کو خوشگوار سرگرمیوں کا تجربہ کرنے کا موقع ملا۔ یہ پروگرام ایکٹیوٹی سٹیشنز کی شکل میں کیا گیا۔ ماحولیاتی تحفظ سے متعلق سرگرمیاں اور گیمز اس تقریب کا حصہ تھیں۔

اس موقع پر ورلڈ ہیلتھ آرگنائزیشن کے تعاون سے ٹی بی کے عالمی دن کی مناسبت سے پینٹنگ مقابلے کا بھی انعقاد کیا گیا۔ "جی ہاں، ہم ٹی بی کو ختم کر سکتے ہیں” سال 2024 کے عالمی ٹی بی ڈے کا موضوع ہے۔ پوسٹر مقابلے کے ذیلی تھیمز تھے "ٹی بی سے متعلق مفروضات کا خاتمہ: خود مختار خواتین ” اور "ٹی بی کی علامات ، بچاؤاورعلاج۔

ڈاکٹر رضیہ کنیز فاطمہ نیشنل کوآرڈینیٹر، کامن مینجمنٹ یونٹ (سی ایم یو) برائے ٹی بی، ایچ آئی وی/ایڈز، اور ملیریاتقریب کی مہمان خصوصی تھیں۔ مسز ماریہ موعود صابری، نیشنل کمشنر پاکستان گرل گائیڈز ایسوسی ایشن نے ان کا اور دیگر مہمانوں کا استقبال کیا۔ انہوں نے اس دن کے تھیم کے بارے میں بتایا اور انہیں ماحول کے تحفظ کے لیے گائیڈز کی کوششوں کے بارے میں آگاہ کیا۔ انہوں نے بتایا کہ موسمیاتی تبدیلی اور گلوبل وارمنگ سے بہت زیادہ نقصان ہو رہا ہے اور زندگی بری طرح متاثر ہو رہی ہے لیکن خواتین اور بچوں کو ہر آفت میں زیادہ خطرہ ہوتا ہے۔ گائیڈز سے خطاب کرتے ہوئے انہوں نے کہا کہ ایک نوجوان کے طور پر سب سے پہلے یہ سمجھنا ضروری ہے کہ انسانی رویے کرہ ارض پر زندگی کو کیسے متاثر کرتے ہیں، زندگی کی قسم کس طرح ایک دوسرے سے جڑی ہوئی ہے، اور ہمارے رویے میں کیا تبدیلیاں تمام زندگیوں کے بہتر مستقبل کے لیے ضروری ہیں۔

ڈاکٹر رضیہ کنیز فاطمہ نیشنل کوآرڈینیٹر، کامن مینجمنٹ یونٹ (سی ایم یو) برائے ٹی بی، ایچ آئی وی/ایڈز، اور ملیریانے تقریب سے خطاب کرتے ہوئے ماحولیاتی تحفظ کے لیے گرل گائیڈز ایسوسی ایشن کی کوششوں کو سراہا ۔ انہوں نے پاکستان میں ٹی بی کے خاتمے میں نوجوانوں کے کردار پر بھی روشنی ڈالی۔ انہوں نے بتایا کہ پاکستان پانچواں ملک ہے جہاں ٹی بی کے سب سے زیادہ مریض ہیں ۔ انہوں نے کہا کہ نوجوان بالخصوص گرل گائیڈز صورتحال کو بہتر بنانے کے لیے بہت کچھ کر سکتے ہیں۔ خصوصا ٹی بی سے متعلق مفروضات کے خاتمے اور آگاہی میں ان کا کردار صورتحال کو بہتر بنا سکتا ہے۔ اس موقع پر ڈبلیو ایچ او کی آفیسر انچارج محترمہ ایلن نے بھی گائیڈز سے بات کی اور انہیں پاکستان میں ٹی بی کی صورتحال سے آگاہ کیا۔

پاکستان گرل گائیڈز ایسوسی ایشن کی سرٹیفکیٹ تقسیم کرنے کی تقریب

پاکستان گرل گائیڈزایسوسی ایشن، نیشنل کلینرپروڈکشن سینٹرکے درمیان مفاہمت کی یادداشت پر دستخط

گرلز گائیڈ ایسوسی ایشن کے زیر انتظام چائلڈ ڈومیسٹک لیبر کے خلاف بیج کا اجراء

گرلزگائیڈنگ اوربوائزسکاوٹنگ کے سفرکی دلچسپ کہانی جسے حکمران وقت تباہ کرنے پرتلے ہوئے ہیں

قائداعظم محمد علی جناح اورفاطمہ جناح کے نقوش مٹانے کی سازشیں،حکمران خاموش یا بے بس

جس کی بنیاد بانی پاکستان نے رکھی اسے تہس نہس کرنے کی اجازت نہیں دے سکتے،سپریم کورٹ کا یادگارفیصلہ

راولپنڈی میٹروپولیٹن نے قائد اعظم کی روح کوتڑپا دیا

سپریم کورٹ گرلزگائیڈ کوبچانے تو دوسری طرف ضلعی انتظامیہ مٹانے کے لیے کوشاں

سپریم کورٹ کا حکم ہوا میں ، گرلزگائیڈ ایسوسی ایشن کے لیے مشکلات