چیئرمین پی ٹی آئی کی 3 مقدمات میں ضمانت خارج

اسلام آباد: انسداد دہشتگردی عدالت نے عدم حاضری کے باعث چیئرمین پی ٹی آئی کی 3 مقدمات میں ضمانت خارج کردی۔

باغی ٹی وی : اسلام آباد کی انسداد دہشت گردی عدالت نے چیئرمین پی ٹی آئی کے خلاف 3 مقدمات سے متعلق محفوظ فیصلہ سناتے ہوئے عمران خان کی 3 مقدمات میں ضمانت خارج کردی اے ٹی سی جج ابوالحسنات ذوالقرنین نے محفوظ فیصلہ سنایا اور چیئرمین پی ٹی آئی کی عدم حاضری کے باعث ضمانتیں خارج کیں۔

چیئرمین پی ٹی آئی کیخلاف دہشتگردی ایکٹ کے تحت تین مقدمات میں ضمانت میں توسیع کی درخواست پر سماعت ہوئی، اے ٹی سی جج ابوالحسنات کی عدالت میں وکیل پی ٹی آئی نیاز اللہ نیازی پیش ہوئے،وکیل نیاز اللہ نیازی نے کہاکہ چیئرمین پی ٹی آئی کے وکیل سلمان صفدر راستے میں ہیں،وکیل سلمان صفدر کے آنے تک اے ٹی سی نے سماعت میں وقفہ کردیا۔

وقفے کے بعد سماعت پروکیل سلمان صفدر نے چیئرمین تحریک انصاف کی حاضری سے استثنیٰ کی درخواست دائر کردی،وکیل سلمان صفدر نے کہاکہ چیئرمین تحریک انصاف اٹک جیل میں اس وقت قید ہیں،عدالت ہدایت دے تو ڈیڑھ گھنٹے کی مسافت پر چیئرمین پی ٹی آئی موجود ہیں،اگر عدالت چاہے تو چیئرمین پی ٹی آئی کو پیش کرنے کی ہدایت دی جا سکتی ہے، چیئرمین پی ٹی آئی کی دیگر مقدمات میں بھی ضمانت منظور کی گئی۔پراسیکیوٹر کی جانب سے چیئرمین پی ٹی آئی کی ضمانت میں توسیع کی مخالفت کردی گئی،پراسیکیوٹر نے کہا کہ چیئرمین پی ٹی آئی کو بے انتہا ریلیف دیاگیا ہے، چیئرمین پی ٹی آئی کی حاضری سے استثنیٰ کی درخواست خارج کی جائے ،وکیل سلمان صفدر نے کہاکہ بہت ہی بے تکی بات کی ہے پراسیکیوٹر نے، چیئرمین پی ٹی آئی کو عدالت پیش کرنے پر دلائل دینا چاہتا ہوں،پراسیکیوٹر ثبوت دکھا دیں الزامات ثابت کردیں،چیئرمین پی ٹی آئی کی غیر حاضری جان بوجھ کر نہیں ہے،پراسیکیوشن نے تفتیش ہی مکمل نہیں کی، کس بنیاد پر ضمانت خارج کی جائے؟پراسیکیوٹر نے کہاکہ ہم کرکٹ گراؤنڈ میں نہیں کھڑے، کرمنل کیس میں کھڑے ہیں،تفتیش بعد میں آئے، حاضری چیئرمین پی ٹی آئی کی پہلے بنتی ہے۔

وکیل سلمان صفدر نے کہا کہ چیئرمین پی ٹی آئی پر قتل کا مقدمہ دائر کیا گیا، سپریم کورٹ نے ضمانت خارج نہیں کی، سپریم کورٹ نے ضمانت میں توسیع کی تو اے ٹی سی میں کیوں نہیں ہو سکتی؟اے ٹی سی نے چیئرمین پی ٹی آئی کی درخواست ضمانت پر فیصلہ محفوظ کر لیا بعد ازاں جج اے ٹی سی نے محفوظ فیصلہ سناتے ہوئے چیئرمین پی ٹی آئی کی 3مقدمات میں درخواست ضمانت خارج کردی،عدالت نے چیئرمین پی ٹی آئی کی عدم حاضری پر درخواست ضمانت خارج کی۔

قبل ازیں انسداد دہشتگردی عدالت لاہور نے نو مئی واقعات میں چیئرمین پی ٹی آئی کی 7 مقدمات میں عبوری ضمانتیں عدم پیروی کی بنیاد پر خارج کردی تھیں۔

آج پاکستان کی تاریخ کا اہم ترین دن ہے،

عمران خان کی گرفتاری کو اعلیٰ عدالت میں چیلنج کرنے کا اعلان 

عمران خان کی گرفتاری کیسے ہوئی؟ 

چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا

پیپلز پارٹی کسی کی گرفتاری پر جشن نہیں مناتی