چیف سیکرٹری پنجاب زاہد اختر زمان پاکستان کرکٹ بورڈ کے بورڈ آف گورنرز کا ممبر مقرر

نگران وزیراعظم انوار الحق کاکڑ نے چیف سیکرٹری پنجاب زاہد اختر زمان کو پاکستان کرکٹ بورڈ کے بورڈ آف گورنرز کا ممبر مقرر کردیا۔کابینہ ڈویژن نےاس تقرری کا با ضابطہ نو ٹیفکیشن جاری کردیا ہے۔زاہد اخترزمان کو فوری طور پر بورڈ میں ذمہ داریاں سونپی گئیں۔زاہد اختر زمان چیف سیکرٹری پنچاب کی ذمہ داری انجام دے رہے ہیں۔پاکستان ایڈمنسٹریٹو سروس (PAS) کے BPS-21 کے افسر زاہد اختر زمان کو اس عہدے کے لیے منتخب کیا گیا ہے۔ کابینہ کی منظوری کے بعد، پی سی بی، جو پہلے بین الصوبائی رابطہ کی وزارت کے ماتحت تھا، کو کابینہ ڈویژن کے تحت رکھ دیا گیا ہے۔وفاقی کابینہ کی جانب سے منظور شدہ پی سی بی کے آئین میں ترامیم کے بعد اب وزیراعظم پی سی بی بورڈ آف گورنرز میں دو کے بجائے تین ممبران تعینات کر سکتے ہیں۔ پی سی بی انتظامیہ کو لکھے گئے خط میں کابینہ ڈویژن نے ہدایت کی ہے کہ بی پی ایس 17 اور اس سے اوپر کے افسران کی بورڈ میں ڈیپوٹیشن پر تقرری کے کیسز براہ راست اسٹیبلشمنٹ ڈویژن کو بھیجے جانے کے بجائے اس کے ذریعے پراسیس کیے جائیں۔ مزید برآں، یہ لازمی قرار دیا گیا ہے کہ پی سی بی دیگر وزراء اور ڈویژنز کے ساتھ تمام خط و کتابت کابینہ ڈویژن کے ذریعے کرے،