راولپنڈی: آرمی چیف جنرل قمر جاوید باجوہ سے چینی سفیر نونگ رونگ کی ملاقات ،اطلاعات کے مطابق آج آرمی چیف جنرل قمر جاوید باجوہ سے چینی سفیر نونگ رونگ نے ملاقات کی ہے جس میں سی پیک اور علاقائی سیکیورٹی کے امور پر تفصیلی بات چیت کی گئی۔
آئی ایس پی آر کی طرف سے جاری بیان کے مطابق چینی سفیر نونگ رونگ نے جی ایچ کیو کا دورہ کیا . آرمی چیف قمر جاوید باجوہ اور چینی سفیر کی ملاقات میں باہمی دلچسپی اوردفاعی تعاون کے امور پر تبادلہ خیال کیا۔
اس اہم ملاقات میں چینی سفیر نے پاکستان کی افغانستان کے حوالے سے حکمت عملی کی بہت زیادہ تعریف کی اوریہ تسلیم کیا کہ پاکستان واقعی اس معاملے کواحسن انداز سے تکمیل کے مراحل لے جانے میں اپنا ثانی نہیں رکھتا
آئی ایس پی آر کا کہنا ہے کہ چینی سفیر نے خطے میں امن و استحکام کے لیے پاکستان کی کوششوں کو سراہا اور عزم کا اظہار کیا کہ چین بطور اسٹرٹیجک پارٹنر پاکستان کی مدد کرتا رہے گا۔
آئی ایس پی آر کے مطابق جی ایچ کیو میں دونوں رہنمائوں کے درمیان ہونے والی ملاقات میں پاک چین اقتصادی راہداری (سی پیک)پر پیشرفت اور علاقائی سلامتی کی صورتحال پر بھی غور کیا گیا
