چینی سفیر کی اسد عمر سے ملاقات،دو طرفہ تعاون کے فروغ پر اتفاق رائے

‏وفاقی وزیرمنصوبہ بندی اسدعمرسے پاکستان میں چین کی نئے سفیرنونگ رونگ نے ملاقات‏ کی

وزارت منصوبہ بندی نے اعلامیہ جاری کرتے ہوئے کہا کہ ‏ ملاقات میں سی پیک کے تحت منصوبوں پر بات ہوئی، ملاقات میں اسد عمر نے کہا کہ دونوں ممالک کے عوام کے درمیان رشتے بہت مضبوط ہیں، پاک چین دوستی حکومتی تعلقات سے آگے بڑھ چکی ہے،

چینی سفیر نونگ رونگ‏ نے کہا کہ چین پاکستان کے ساتھ تعلقات کو بہت اہمیت دیتا ہے، وفاقی وزیرنے چینی سفیرکو خوش آمدید کہا اور نیک خواہشات کا اظہار کیا، ملاقات میں سی پیک پرقائم ورکنگ گروپس کے حالیہ اجلاسوں پراطمینان کااظہار کیا گیا، وزیرمنصوبہ بندی اورچینی سفیرنے مل کرسی پیک کے دوسرے مرحلے کوکامیاب بنانے پر اتفاق کیا،
ملاقات میں خصوصی طورپرسی پیک کے تحت صنعتی تعاون پربات ہوئی،

واضح رہے کہ نونگ رونگ حال ہی میں پاکستان میں چائنہ کے بطور سفیر تعینات ہوئے ہیں حالیہ ملاقات بہت اہمیت کی حامل ہے پاکستان تحریک انصاف نے سی پیک کے نامکمل منصوبوں پر تیزی سے کام شروع کر دیا ہے سی پیک سے پاکستانی معیشت میں انقلاب آئے گا اور پاکستان میں لوگوں کو روزگار کے مواقع فراہم ہوں گے یہ پاکستان کی تاریخ کا سنہرا دور ہوگا جس پر تیزی سے کام جاری ہے

جواب چھوڑیں

آپ کا ای میل ایڈریس شائع نہیں کیا جائے گا.