چوہدری پرویز الہٰی کی اہلیہ قیصرہ الہٰی کی ریلی پر فائرنگ سے ایک شخص زخمی

گجرات میں چوہدری پرویز الہٰی کی اہلیہ قیصرہ الہٰی کی ریلی پر فائرنگ سے ایک شخص زخمی ہوگیا۔پولیس کا کہنا ہے کہ قیصرہ الہٰی کارکنوں کے ساتھ رزلٹ تبدیل ہونے پر احتجاج کر رہی تھیں۔ پرویز الہٰی کی اہلیہ قیصرہ الہٰی کی ریلی پر گاڑی میں سوار مسلح افراد نے فائرنگ کی۔ اپنے ایکس اکاؤنٹ پر مونس الہی کی جانب سے جاری بیان میں کہا گیا کہ قومی اسمبلی کے حلقے این اے 64 کا رزلٹ تبدیل کرنے کی کوشش کی جارہی ہے۔ مونس الٰہی نے کہا کہ ہمارے پر امن احتجاج پر حملہ کیا گیا جس کے نتیجے میں 2 افراد زخمی ہوگئے۔

این اے 64 کا رزلٹ تبدیل کرنے کی کوشش ۔ ہمارے پر امن احتجاج پر حملہ ان گاڑیوں نے کیا ہے ۔ اس کے بعد فائرنگ کر کے 2 آدمی زخمی کر دیے ہیں- الیکشن کمیشن کو کچھ نظر نہیں آرہا اور نہ ہی کچھ سنائی دے رہا ہے pic.twitter.com/Len20CHVvt

— Moonis Elahi (@MoonisElahi6) February 9, 2024