اوچ شریف :شہریوں کی پی ٹی آئی کے خلاف یوم مذمت غدار پاکستان ریلی

اوچ شریف باغی ٹی وی ( نامہ نگار حبیب خان ) اوچ شریف ۔ شہریوں کی پی ٹی آئی کے خلاف یوم مذمت غدار پاکستان ریلی ، پاک افواج کے حق اور پی ٹی آئی چیئرمین کے خلاف نعرے بازی ، پی ٹی آئی چیئرمین عمران خان اور دیگر پی ٹی آئی قیادت کے خلاف ملٹری کورٹ میں کیس چلایا جائے ، محمد اکمل کھاکھی
صدر مسلم لیگ ن اوچ شریف محمد اکمل کھاکھی کی قیادت میں پی ٹی آئی چیئرمین عمران خان اور دیگر قیادت کے خلاف شہریوں نے یوم مذمت غدار پاکستان ریلی نکالی ، ریلی کے شرکاء نے پاک افواج کے حق میں اور پی ٹی آئی قیادت کے خلاف نعرے بازی کی ، شرکاء نے پینا فلیکس اٹھا رکھے تھے جس پر عمران خان اور پی ٹی آئی قیادت کے خلاف نعرے درج تھے ، اس موقع پر صدر مسلم لیگ ن محمد اکمل کھاکھی نے خطاب کرتے ہوئے کہا کہ سانحہ 9 مئی پر دل خون کے آنسو رورہا ہے ، سرکاری و عسکری املاک اور شہداء کی یادگاروں پر جلاو گھیراو کرکے پی ٹی آئی نے دہشت گردوں کا کردار ادا کیا ، ہمارا دشمن بھارت جو 75 سالوں میں نہ کرسکا وہ پی ٹی آئی دہشت گردوں نے کردیا اور بھارت میں خوشیاں منائی گئیں ، انہوں نے کہا کہ سانحہ 9 مئی کے ذمہ داروں ، سہولت کاروں سمیت ان واقعات میں ملوث تمام کرداروں کو قانون کے کٹہرے میں لاکر نشان عبرت بنایا جائے تاکہ دوبارہ کوئی بھی اس طرح جرات نہ کرسکے ، انہوں نے کہا کہ پوری قوم پاک افواج کے شانہ بشانہ ہے ، پاک افواج کے خلاف بیرونی ملک دشمن ایجنڈے کے تحت مہم چلانے والوں کا قوم محاسبہ کرے گی