کرونا وائرس، وزیراعلیٰ سندھ کی زیر صدارت اجلاس،فنڈز منظور،ایران میں کتنے پاکستانی ہیں؟
باغی ٹی وی کی رپورٹ کے مطابق وزیراعلیٰ مراد علی شاہ کی زیر صدارت سندھ کابینہ کا اجلاس ہوا،سندھ کابینہ نے کرونا وائرس کی روک تھام کےلیے10کروڑ روپے گرانٹ کی منظوری دےدی
سندھ کابینہ نے انڈس اسپتال کے ساتھ ایم او یو کرنے کی منظوری دے دی، وزیراعلیٰ سندھ مراد علی شاہ کا کہنا تھا کہ چین سے آنے والے مسافروں کو 14 دن کی قرنطینہ کر کےبھیج رہے ہیں،ایران سے بغیر قرنطینہ آ گئے اس لئے 2 لوگوں میں وائرس ظاہر ہوا،ہم نے لوگوں کو گھروں میں بھی آئیسولیشن میں رکھا ہے،بچوں کا اسکول جانا لازمی ہے،شاپنگ سینٹر جانا لازمی نہیں،
وزیراعلیٰ سندھ سید مراد علی شاہ نے کہا کہ ایران سے آنے والوں کوآئیسولئیشن میں13مارچ کو14دن مکمل ہوجائیں گے، جو مسافرایران سے آئے ہیں ان کے بچے بھی اسکول جاتے توپھریہ مسئلہ سنگین ہوجاتا،یہ ہی وجہ ہےکہ اسکول بند کئے ہیں ،ذاتی طور پر کورونا والے مسئلے کو دیکھ رہا ہوں،روزانہ کی بنیاد پر تمام متعلقہ اداروں کے نمایندوں سے اجلاس کرتا ہوں ،ایران سے آنے والے2ہزار301افراد کی نشاندہی کی گئی،900پاکستانی ابھی تک ایران میں ہیں،
دوسری جانب پاکستان میں کرونا وائرس کا پانچواں کیس سامنے آگیا، گلگت بلتستان کی 45 سالہ خاتون میں وائرس کی تصدیق ہوگئی، متاثرہ خاتون نے حال ہی میں ایران کا سفرکیا۔
کرونا وائرس سے نمٹنے کے لیے وفاق نے حکمت عملی تیار کرلی، ایران سے آنیوالے 13 ہزار افراد کی فہرست صوبائی حکومتوں کو ارسال کر دی۔ فہرست میں شامل افراد کے شناختی کارڈ، رابطہ نمبرز اور دیگر معلومات بھی دی گئی ہیں۔ کرونا وائرس کے پیش نظر سندھ بھر میں تمام تعلیمی ادارے 13 مارچ تک بند ہیں، سکول کھولنے والوں کیخلاف حکام کا ایکشن بھی جاری ہے، کئی سکولوں کی رجسٹریشن بھی معطل کی گئی ہے۔
کرونا وائرس، چین سے طالب علم پاکستان پہنچا تو اسکے ساتھ کیا ہوا؟
کرونا وائرس،پاکستان نے کی ایران کے ساتھ ریل سروس معطل، شیخ رشید کا بڑا اعلان
پاکستان میں وائرس ایران سے آیا، کتنے مزید مشتبہ مریض ہیں؟ ڈاکٹر ظفر مرزا کی بریفنگ
واضح رہے کہ پاکستان میں کرونا کی روک تھام کیلئے ہنگامی اقدامات جاری ہیں وائرس کے شکار 5 مریضوں کا کراچی اور اسلام آباد میں علاج جاری ہے
کرونا وائرس پر قابو پانے کیلئے ملک بھر میں اقدامات جاری ہیں، ائیرپورٹس پر ہیلتھ کاؤنٹرز میں تھرمل سکینرز اور گنز میں اضافے کا فیصلہ کیا گیا۔ سول ایسوی ایشن کے اجلاس میں یہ طے کیا گیا کہ یومیہ بنیاد پر ایئرپورٹ بلڈنگز میں فیومیگیشن کی جائے گی۔ ہیلتھ کاؤنٹرز پر موجود پیرامیڈیکل سٹاف کی موجودگی بھی مانیٹر ہوگی۔ کراچی کے جناح ٹرمینل ایئر پورٹ پر جراثیم کش، لوشن اور ماسک رکھنے کا فیصلہ بھی کیا گیا
کرونا وائرس ، ڈاکٹر ظفرمرزا کی زیر صدارت اجلاس، معاون خصوصی نے کیا دیا عوام کو مشورہ؟
