کرونا میں تیزی،ایک دن میں 75 اموات،مریض بھی بڑھنے لگے

کرونا میں تیزی،ایک دن میں 75 اموات،مریض بھی بڑھنے لگے

باغی ٹی وی کی رپورٹ کے مطابق پاکستان میں کرونا کی دوسری لہر میں مزید شدت آ گئی ہے، ایک دن میں 75 اموات ہوئی ہیں جبکہ 2829 مریض سامنے آئے ہیں

پاکستان میں ساڑھے چار ماہ کے دوران ایک روز میں کورونا سے سب سے زائد75 اموات ہوئی ہیں .پاکستان میں کرونا سے اموات کی مجموعی تعداد8ہزار166 ہوگئی ہے۔پاکستان میں کورونا کے 3 لاکھ 45 ہزار365 مریض صحتیاب ہوچکے ہیں اور49ہزار780 زئر علاج ہیں۔

این سی او سی کے مطابق گزشتہ 24 گھنٹوں میں 2ہزار829 نئے مریض سامنے آئے اور اب تک مریضوں کی مجموعی تعداد تعداد4 لاکھ 3ہزار313 ہوگئی ہے۔

کورونا سے زیادہ اموات پنجاب میں ہوئی ہیں جہاں 3 ہزار66 افراد جان کی بازی ہار چکے ہیں۔ سندھ میں 2 ہزار962، خیبر پختونخوا ایک ہزار 375، اسلام آباد 324، گلگت بلتستان 97، بلوچستان 169 اور آزاد کشمیر میں 173 افراد جان کی بازی ہار چکے ہیں۔اسلام آباد میں کورونا کیسزکی تعداد30 ہزار748، خیبرپختونخوا47 ہزار701، سندھ میں ایک لاکھ 75 ہزار 642، پنجاب ایک لاکھ 20 ہزار356، بلوچستان 17 ہزار215، آزاد کشمیر 6 ہزار982 اور گلگت بلتستان میں 4 ہزار 667 افراد کورونا سے متاثر ہوچکے ہیں۔

این سی او سی کے مطابق پاکستان میں کورونا سے اموات کی شرح 2.02 فیصد ہوگئی ہے۔ کورونا سے جاں بحق 76 فیصد افراد کی عمریں 50 سال سے زائد ہیں۔ کورونا سے جاں بحق 72 فیصد کورونا مریض دیگر بیماریوں میں بھی مبتلا تھے۔ کورونا سے جاں بحق افراد میں سے 91 فیصد کا انتقال اسپتالوں میں ہوا۔ اسپتالوں میں کورونا کے زیر علاج 58 فیصد مریضوں وینٹی لیٹرز پر ہیں۔

کرونا پھیلاؤ روکنے کے لئے این سی او سی کا عوام سے مدد لینے کا فیصلہ

کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا

کرونا ویکسین کی تیاری کے لئے امریکہ مسلمان سائنسدانوں کا محتاج

این سی او سی کے مطابق ملک کے 15 شہروں میں کورونا وباتیزی سے پھیل رہی ہے۔ پاکستان میں اسی فیصد کورونا کیسز گیارہ بڑے شہروں سے رپورٹ ہوئے,

معاون خصوصی برائے صحت ڈاکٹر فیصل سلطان نے کہا کہ پاکستان میں کورونا وائرس کی دوسری لہر بتدریج شروع ہو چکی ہے۔ دوسری لہر سے نمٹنے کے لیے ایس اوپیز پر سختی سےعمل کرنا ہو گا۔ احتیاطی تدابیر پرعمل پیرا ہو کر ہم کورونا کی دوسری لہرسے نمٹ سکتے ہیں