کرونا وائرس، چین، امریکا میں مزید ہلاکتیں، ایران کا قیدیوں کو رہا کرنیکا فیصلہ

باغی ٹی وی کی رپورٹ کے مطابق کرونا وائرس کی تباہ کاریاں جاری ہیں،چین میں کورونا وائرس سے مزید 38 ہلاکتوں کے بعد تعداد2 ہزار 981 ہوگئی،ارجنٹینا اور چلی میں کورونا وائرس کے پہلے کیس سامنے آ گئے،کورونا وائرس سے دنیا بھر میں ہونے والی ہلاکتوں کی تعداد 3 ہزار 200 ہوگئی

اسپین میں کورونا وائرس سے ایک شخص ہلاک ہوا ،امریکا میں کورونا وائرس سے مزید3ہلاکتوں کے بعد تعداد 9 ہوگئی، کورونا وائرس سے ایران میں 77،جنوبی کوریا میں 32،جاپان میں 12 ہلاکتیں ہوئیں،اٹلی میں کورونا وائرس سے ہونے والی ہلاکتوں کی تعداد 79 ہوگئی،

جنوبی کوریا میں مزید 516 نئے کیسز سامنے آگئے، تعداد 5 ہزار 328 ہوگئی،جنوبی کوریا میں مریضوں کیلئے اسپتالوں میں جگہ کم پڑ گئی، وائرس کے خطرے کے پیش نظرایران نے 54ہزار قیدیوں کو عارضی رہا کرنے کا اعلان کیا ہے،برطانیہ اور امریکا کے کچھ علاقوں میں اسکول بند کر دیے گئے،متحدہ عرب امارات نے بھی4ہفتوں کیلئے تعلیمی ادارے بند کرنے کا اعلان کر دیا،

کرونا وائرس سے نمٹنے کے لیے وفاق نے حکمت عملی تیار کرلی، ایران سے آنیوالے 13 ہزار افراد کی فہرست صوبائی حکومتوں کو ارسال کر دی۔ فہرست میں شامل افراد کے شناختی کارڈ، رابطہ نمبرز اور دیگر معلومات بھی دی گئی ہیں۔ کرونا وائرس کے پیش نظر سندھ بھر میں تمام تعلیمی ادارے 13 مارچ تک بند ہیں، سکول کھولنے والوں کیخلاف حکام کا ایکشن بھی جاری ہے، کئی سکولوں کی رجسٹریشن بھی معطل کی گئی ہے۔

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

کرونا وائرس،پاکستان نے کی ایران کے ساتھ ریل سروس معطل، شیخ رشید کا بڑا اعلان

پاکستان میں وائرس ایران سے آیا، کتنے مزید مشتبہ مریض ہیں؟ ڈاکٹر ظفر مرزا کی بریفنگ

کرونا وائرس ، ڈاکٹر ظفرمرزا کی زیر صدارت اجلاس، معاون خصوصی نے کیا دیا عوام کو مشورہ؟

واضح رہے کہ پاکستان میں کرونا کی روک تھام کیلئے ہنگامی اقدامات جاری ہیں وائرس کے شکار 5 مریضوں کا کراچی اور اسلام آباد میں علاج جاری ہے

کرونا وائرس پر قابو پانے کیلئے ملک بھر میں اقدامات جاری ہیں، ائیرپورٹس پر ہیلتھ کاؤنٹرز میں تھرمل سکینرز اور گنز میں اضافے کا فیصلہ کیا گیا۔ سول ایسوی ایشن کے اجلاس میں یہ طے کیا گیا کہ یومیہ بنیاد پر ایئرپورٹ بلڈنگز میں فیومیگیشن کی جائے گی۔ ہیلتھ کاؤنٹرز پر موجود پیرامیڈیکل سٹاف کی موجودگی بھی مانیٹر ہوگی۔ کراچی کے جناح ٹرمینل ایئر پورٹ پر جراثیم کش، لوشن اور ماسک رکھنے کا فیصلہ بھی کیا گیا

Shares: