باغی ٹی وی کی رپورٹ کے مطابق چیف سیکرٹری پنجاب میجر (ر) اعظم سلیمان خان کی زیر صدارت کیمپ آفس میں ہنگامی اجلاس ہوا
اجلاس سے خطاب کرتے ہوئے چیف سیکرٹری پنجاب اعظم سلیمان خان کا کہنا تھا کہ کرونا وائرس سے بچاؤ کیلئے وفاقی اور پنجاب حکومت کی ہدایات پر من و عن عملدرآمد یقینی بنایا جائے، افسران اپنے فرائض قومی ذمہ داری سمجھتے ہوئے ادا کریں، چیف سیکرٹری نے متعلقہ صوبائی محکموں کو الرٹ رہنے اور وفاقی اداروں سے قریبی رابطہ رکھنے کا حکم دیا
اجلاس میں ایڈیشنل چیف سیکرٹری داخلہ، صحت، سکولز ایجوکیشن، ہائر ایجوکیشن، صنعت، آبپاشی، ہاؤسنگ کے محکموں کے ایڈمنسٹریٹو سیکرٹریز، کمشنر لاہوراورڈپٹی کمشنر لاہور کے علاوہ تمام کمشنرز اورڈپٹی کمشنرز نے ویڈیو لنک کے ذریعے شرکت کی۔
چیف سیکرٹری اعظم سلیمان خان کا کہنا تھا کہ عوام کے جان و مال کا تحفظ حکومت کی اولین ذمہ داری ہے۔ اس اہم ذمہ داری کو پورا کرنے میں کوئی کسر اٹھا نہ رکھی جائیگی۔ پنجاب حکومت کی جانب سے تین ہفتوں کے لئے تعلیمی ادارے بند رکھنے اور عوامی اجتماعات نہ کرنے کے احکامات جاری کئے گئے ہیں۔ کرونا وائر س سے بچاؤ اور پیشگی سدباب کیلئے جاری ہدایات کے مطابق صوبہ بھر میں تمام نجی اور سرکاری تعلیمی ادارے بشمول سکول، کالج، میڈیکل کالج، ٹیکنیکل اینڈ ووکیشنل انسٹیٹیوٹ، یونیورسٹیزاگلے تین ہفتے کے لئے بند رہیں گے۔ اگلے تین ہفتو ں کے دوران ہونے والے تمام امتحانات منسوخ کردیئے گئے ہیں۔ تمام ٹیوشن سینٹر ز اوردینی مدارس بھی تین ہفتے کے لئے بند رکھے جائیں گے۔ دینی مدارس میں مقیم صرف غیرملکی طلبہ کو مدارس کے ہوسٹل میں رہنے کی اجازت دی جائے گی۔ ہدایات کے مطابق صوبہ بھر میں تمام میرج، بینکوئٹ ہال اور مارکی تین ہفتوں کے لئے بند رہیں گی۔ اگلے تین ہفتوں کے لئے تمام مذہبی اجتماعات اورتقریبات بھی منسوخ کردی گئی ہیں۔ جشن بہاراں اور دوسرے میلے بھی تین ہفتے کے لئے منسوخ کردیئے گئے ہیں۔ تمام سرکاری اور نجی سپورٹس فیسٹیول بھی تین ہفتے کے لئے منسوخ کئے جاچکے ہیں۔ ہدایات کے مطابق تین ہفتوں کے لئے جیلوں میں مقیم قیدیوں سے ملاقاتوں پر پابندی لگا دی گئی ہے۔ پی ایس ایل کے میچزشائقین کے بغیر منعقد ہوں گے۔ محکمہ اطلاعات محکمہ پرائمری ہیلتھ کیئر کی مشاورت کے ساتھ موثرمیڈیا کمپین کا اہتمام کرے گا۔ تمام متعلقہ محکمے مذکورہ بالا احکامات کی تعمیل کے لئے موثر اقدامات اور گائیڈ لائن جاری کریں گے
کرونا کا خدشہ، چکن کی قیمت دس روپے فی کلو ہونے پر پولٹری مالکان نے 6 ہزار مرغیوں کو زندہ دفنا دیا
کرونا وائرس، چین سے طالب علم پاکستان پہنچا تو اسکے ساتھ کیا ہوا؟
گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران
بھارت میں کرونا کے 44 مریض، مندر میں بتوں کو بھی ماسک پہنا دیئے گئے
