fbpx

کورونا وائرس نے سلمان خان کو شیف اور سونو سود کو درزی بنا دیا

بالی وڈ سُپر اسٹار سلمان خان کو کورونا وائرس نے ’شیف‘ بنا دیا جبکہ اداکار سونو سود نے درزی کی دوکان کھول لی-

باغی ٹی وی : کورونا کے باعث فلموں کی شوٹنگ رکی ہوئی ہیں اور اسی چیز کا فائدہ اٹھاتے ہوئے سلمان خان نے گھر کے بھی کام شروع کردیئے ہیں۔

سلمان خان ان دنوں بھارتی شہر جے پور میں فیملی اور دوستوں کے ہمراہ وقت گزار رہے ہیں اداکار کی حال ہی میں ایک ویڈیو سوشل میڈیا پر وائرل ہوئی ہے جس میں وہ پیاز کا اچار بنا رہے ہیں۔

یہ ویڈیو اداکارہ سیاستدان بینا کاک کے اکاؤنٹ سے شیئر کی گئی ہے جس میں سلمان ٹریک سوٹ اور ٹی شرٹ میں ہیں اور ساتھ ہی اچار تیار کررہے ہیں۔

اچار بنانے کے بعد سلمان خان کھا کر اسے زبردست قرار دیتے ہیں جس پر بینا کا کہنا تھا کہ خود ہی تعریف کی جارہی ہے۔

جبکہ دوسری جانب سماجی رابطے کی ویب سائٹ ٹوئٹر پر اداکار کی جانب سے شیئر کی گئی ایک ویڈیو میں انھیں کپڑے سیتے ہوئے دیکھا جاسکتا ہے۔


اس ویڈیو کے کیپشن میں سونو سود نے لکھا کہ ’یہ سونو سود کی درزی کی دکان ہے، یہاں مفت میں سلائی کی جاتی ہے۔

ساتھ میں انھوں نے خود کو ہی ٹرول کرتے ہوئے لکھا کہ ’پینٹ کی جگہ نکر بن جائے، اس کی ہماری گارنٹی نہیں ہے۔

جیسے ہی اداکار نے اپنی یہ ویڈیو شیئر کی تو یہ دیکھتے ہیں دیکھتے وائرل ہوگئی جس پر صارفین نے دلچسپ اور تعریف بھرے کمنٹس کئے-

خیال رہے کہ کچھ ہفتوں قبل یہ رپورٹس سامنے آئی تھیں کہ غریبوں کی مدد کرنے کے لیے سونو سود نے تقریباً 10 کروڑ روپے کا قرض حاصل کیا جس کے لیے اپنی جائیدادیں گروی رکھوائی تھیں سونو سود فلاحی کاموں میں بڑھ چڑھ کر حصہ لینے والے اداکاروں کی فہرست میں شامل ہوگئے ہیں، جن کے کام کو سراہا بھی جاتا ہے۔

جواب چھوڑیں

آپ کا ای میل ایڈریس شائع نہیں کیا جائے گا.