کرونا وائرس قومی سلامتی کو خطرہ، رحمان ملک کی کتاب کی ہوئی تقریب رونمائی

0
29

کرونا وائرس قومی سلامتی کو خطرہ، رحمان ملک کی کتاب کی ہوئی تقریب رونمائی

باغی ٹی وی کی رپورٹ کے مطابق سینیٹر رحمان ملک کی کتاب “کورونا وائرس قومی سلامتی کوخطرہ” کی تقریب رُونمائی ہوئی

تقریب کی صدارت و کتاب کی رُونمائی سابق وزیراعظم راجہ پرویز اشرف نے کی، کتاب کی تقریب رُونمائی کورونا وائرس کیخلاف اختیاطی تدابیر کے مدنظر ویڈیو لنک کی ذریعے کی گئی، سینیٹر رحمان ملک کی کتاب 24 ابواب و 255 صفحات پر مشتمل ہے،سینیٹر رحمان ملک کی کتاب کی کمائی کورونا کیخلاف فنڈ میں جائیگی،

راجہ پرویز اشرف کا کہنا تھا کہ سینیٹر رحمان ملک کو کم عرصے میں ایک اہم مسئلے پر جامع کتاب لکھنے پر خراج تحسین پیش کرتا ہوں،
سینیٹر رحمان ملک نے ہمیشہ ملک و قوم کی خدمات میں سبقت لی ہے،سینیٹر رحمان ملک نے ہمیشہ اپنے بہترین کارگردگی سے ہمیں خیریت میں ڈالا ہے،سینیٹر رحمان ملک نے حکومت کو کورونا وائرس کے ممکنہ پھیلاو کو روکنے کیلئے بروقت تجاویز پیش کئے تھے،
حالات آج قدرے مختلف ہوتے اگر حکومت سینیٹر رحمان ملک کی 37 نکاتی پلان پر عملدرآمد کرتی،سینیٹر رحمان ملک نے ملک میں کورونا پھیلنے سے پہلے حکومت کو کورونا کیخلاف اہم اقدامات تجویز کیے تھے،

راجہ پرویز اشرف کا مزید کہنا تھا کہ کورونا وائرس نے پورے دنیا کو ہلا کر رکھ دیا ہے اور ہر انسان کو پریشان کیا ہے، آج ملک کو اتنی اتفاق اتحاد کی ضرورت ہے جتنا ہم نے دھشتگردی کیخلاف پیدا کیا تھا،جسطرح ہماری فوج نے قربانیاں دیکر دھشتگردی کیخلاف لڑی اس طرح آج ہم کورونا کیخلاف لڑے، زندہ ہونگے تو سیاست کرینگے اسلئے ہمیں کورونا پر سیاست نہیں کرنا چاہئے،سینیٹر رحمان ملک نے نیشنل ہیلتھ سرویسز کو بہتر کرنے اور وبا سے لڑنے کیلئے اہم تجاویز پیش کئے ہیں،

سینیٹر رحمان ملک کا کہنا تھا کہ کتاب لکھنے کا مقصد حکومت و بین القوامی اداروں کی توجہ کورونا سے متعلق اہم معاملات کیطرف مبذول کرنا ہے، پوری دنیا کا کورونا وائرس ملا کر ایک گرام بنتا ہے، آج ساری قومیں ملکر پوری دنیا سے ایک گرام کورونا وائرس کا خاتمہ نہیں کر پا رہے ہیں، اللہ تعالی سے دعا ہے کہ ہم پر اپنا رحم و کرم کرکے کورونا وائرس کا خاتمہ کرے،

سینیٹر رحمان ملک کا مزید کہنا تھا کہ کورونا وائرس کے متعلق پائے جانے والے مختلف شکوک و شبہات پر روشنی ڈالی ہے، کتاب کے ذریعے عوام میں کورونا وائرس کے متعلق آگاہی پھیلانے کی کوشش کی ہے،کورونا وائرس کے متعلق شکوک و شبہات دور کرنے کیلئے اقوم متحدہ کے جنرل سیکرٹری کو خطوط لکھے، سینیٹ قائمہ کمیٹی داخلہ کا پیش کردہ 37 نکاتی قومی ایکشن پلان بھی کتاب کا حصہ ہے،
کورونا وائرس کو ایک تفتیشی نگاہ سے بیان کیا ہے کہ کہیں یہ بطور جنگی ہتھیار استعمال تو نہیں کیا گیا ہے، نیشنل کوارڈینیشن سنٹر کی تشکیل کے بعد معاملات کافی بہتر ہوئے ہیں،

سینیٹر رحمان ملک کا مزید کہنا تھا کہ کورونا وائرس کیخلاف پاک آرمی کے چیف کی بروقت مدد قابل ستائش ہے،ڈاکٹرز، نرسوں اور دیگر طبی عملے بشمول قانون نافذ کرنے والے اداروں کو خراج تحسین پیش کرتا ہوں، 27 فروری کو جب ملک میں فقط دو کورونا کیسز تھے میں نے قائمہ کمیٹی کا اجلاس بلایا تھا، شروع میں حکومت اگر کورونا وائرس کو سریس لیتی تو حالات آج مختلف ہوتے، حکومت کورونا وائرس کے ٹیسٹ مفت کرائے، غریب آدمی کھانے کیلئے ترس رہا ہے وہ ٹیسٹ کے پیسے کہاں ادا کرے، آنے والے دنوں میں کورونا مزید بڑھے گا اور مشکلات دوگنا ہونگے، وزیراعظم عمران خان فوری طور پر آل پارٹیز کانفرنس بلائے،فیڈرل گورنمنٹ بڑے کا کردار ادا کرکے الزام تراشی کی بجائے انتہاؤں اتحاد پیدا کرے،

Leave a reply