کرپشن سے کیسے نمٹا جائے ؟علی گل پیر کی مزاحیہ ویڈیو وائرل

0
36

گلوکار اور کامیڈین علی گل پیر کی ویڈیو سوشل میڈیا پر وائرل ہورہی ہے جس میں وہ وزیراعظم پاکستان عمران خان کی نقل اتارتے ہوئے بتارہے ہیں کہ کرپشن سے کیسے نمٹاجائے۔

باغی ٹی وی :گلوکار علی گل پیر سوشل میڈیا پر بھی کافی مقبول ہیں۔ وہ مختلف سوشل میڈیا پلیٹ فارمز پر مختصر ویڈیوز شیئر کرتے ہیں سوشل میڈیا پر علی گل پیر کی ویڈیوز کو بہت پسند کیا جاتا ہے اور ان کی ویڈیوز پر بہت زیادہ لائکس اور ویوز آتے ہیں۔

گزشتہ روز علی گل پیر نے وزیراعظم عمران خان کی نقل اتارتے ہوئے اپنے انسٹاگرام اکاؤنٹ پر ایک طنزیہ ویڈیو شیئر کی ہے جس میں وزیراعظم بتارہے ہیں کہ ملک میں جاری کرپشن سے کیسے نمٹاجائے۔

ویڈیو میں پس منظر میں خان صاب کی آواز چل رہی ہے جس میں وہ ملک میں کرپشن کرنے والے لوگوں کے بارے میں بتاتے ہوئے کہہ رہے ہیں جس شخص پر اربوں روپے کرپشن کے چارجز ہوتے ہیں اور وہ جیل سے نکلتا ہے تو لوگ اس پر پھولوں کی پتیاں نچھاور کرتے ہیں (واہ کیا کرپشن کی ہے)۔ مجھے بتائیں کیسے کرپشن ختم ہوگی ؟ جو کرپشن کرے گا رشوت دے گا وہ ہم میں سے نہیں ہے۔ ویڈیو میں علی گل پیر وزیراعظم کی آواز پر ایکٹ کررہے ہیں۔

علی گل پیر کی اس ویڈیو کو انسٹاگرام پر بے حد پسندکیا جارہا ہے اور محض چند گھنٹوں ہزاروں سے زائد ویوز آچکے ہیں-

Leave a reply